കോഴിക്കോട് കുറ്റ്യാടി ചുങ്കകുറ്റി വനത്തിൽ തീപിടുത്തം. പുലർച്ചെ 12 മണിയോടെയാണ് തീപിടുത്തം ഉണ്ടായത്. പൊലീസും ഫോറസ്റ്റ് ഉദ്യോഗസ്ഥരും നാട്ടുകാരും ചേർന്ന് തീയണച്ചു. വയനാട് കോഴിക്കോട് ജില്ലാ അതിർത്തിയിലാണ് തീപിടുത്തമുണ്ടായത്.അതേസമയം, കൊട്ടാരക്കര മുട്ടറ മരുതിമലയിൽ തീപിടിത്തമുണ്ടായി. കഴിഞ്ഞ ദിവസം രാത്രി 7:30ഓടെയാണ് വൻ തീപിടുത്തമുണ്ടായത്. വിനോദസഞ്ചാര കേന്ദ്രത്തിലേക്കുള്ള നടവഴിയുടെ സമീപത്തെ പുൽക്കാട്ടിലാണ് തീപിടുത്തമുണ്ടായത്. ഏകദേശം 1500 അടി ഉയരത്തിലുള്ള, കുറ്റിക്കാടുകൾ നിറഞ്ഞ ഈ പ്രദേശം എളുപ്പത്തിൽ തീ പടരാൻ സാധ്യതയുള്ള ഇടമാണ്.കൊട്ടാരക്കരയിൽ നിന്നുള്ള രണ്ട് യൂണിറ്റ് ഫയർഫോഴ്സ് എത്തിയാണ് തീ നിയന്ത്രണവിധേയമാക്കിയത്. എന്നാൽ തീപിടുത്തത്തിന്റെ കൃത്യമായ കാരണം ഇതുവരെ സ്ഥിരീകരിച്ചിട്ടില്ല. ഈ തീപിടുത്തത്തിൽ മലയുടെ കുറച്ചധികം ഭാഗം കത്തിനശിച്ചു.