കണ്ണൂര്: റോഡരികില് നിര്ത്തിയിട്ട കാറിനുള്ളില് കയറി കൂടിയ മൂര്ഖനെ സാഹസികമായി പിടികൂടി. കണ്ണൂര് താഴെ ചൊവ്വയിലാണ് സംഭവം. കാറിനുള്ളില് നിന്ന് അസ്വഭാവികമായ ശബ്ദം കേട്ടതോടെ ഉടമ നോക്കിയപ്പോഴാണ് പാമ്പാണെന്ന് വ്യക്തമായത്.
കഴിഞ്ഞ ദിവസം രാത്രിയാണ് സംഭവം. സ്വിഫ്റ്റ് കാറിനുള്ളിലാണ് മൂര്ഖന് കയറി കൂടിയത്. തുടര്ന്ന് മാര്ക്ക് പ്രവര്ത്തകര് എത്തി പാമ്പിനെ സാഹസികമായി പിടികൂടുകയായിരുന്നു.കാറിന്റെ പിന്വശത്തെ ടയറിന് സമീപമാണ് പാമ്പ് കയറി കൂടിയത്. ടയര് ഊരി മാറ്റിയാണ് മൂര്ഖനെ പുറത്തെടുത്തത്. മാര്ക്ക് പ്രവര്ത്തകന് ജിഷ്ണുവിന്റെ നേതൃത്വത്തിലാണ് രക്ഷാപ്രവര്ത്തനം നടത്തിയത്.