കണ്ണൂർ ∙ പാനൂരിൽ പൊലീസ് പരിശോധനയ്ക്കിടെ മൂന്ന് ബോംബുകൾ കണ്ടെത്തി. മേലെ പൂക്കോം ചിത്രവയലിൽ നിന്നാണ് ബോംബുകൾ കണ്ടെത്തിയത്. രണ്ട് സ്റ്റീൽ ബോംബുകളും ഒരു നാടൻ ബോംബും ആണ് കണ്ടെടുത്ത്. സ്റ്റീൽ ബോംബുകൾക്ക് പഴക്കമുണ്ട്. എന്നാൽ നാടൻ ബോംബ് പുതിയതാണെന്ന് പൊലീസ് പറഞ്ഞു.
തിരഞ്ഞെടുപ്പ് ഫലപ്രഖ്യാപനം വരുന്നതിനു മുന്നോടിയായി പൊലീസ് നടത്തിയ പരിശോധനയിലാണ് ഇന്ന് രാവിലെ പത്ത് മണിയോടെ ബോംബുകൾ കണ്ടെത്തിയത്. ബോംബുകൾ നിർവീര്യമാക്കി. സംഭവത്തെക്കുറിച്ച് അന്വേഷണം നടത്തുകയാണെന്ന് പൊലീസ് പറഞ്ഞു.