ബത്തേരി കോട്ടക്കുന്നില് വാഹനങ്ങള് കൂട്ടിയിടിച്ചു. ഒരു ലോറിയും മൂന്നു കാറുമാണ് ഇന്ന് രാവിലെ 9.40ഓടെ അപകടത്തിൽ പെട്ടത്. പുല്പ്പള്ളി റോഡില് നിന്നും ബത്തേരി കോട്ടക്കുന്നില് ദേശീയപാതയിലേക്ക് പ്രവേശിച്ച ഒമ്നിയില് തട്ടാതിരിക്കാന് മൈസൂര് റോഡില് നിന്നും വന്ന ലോറി പെട്ടെന്ന് ബ്രേക്ക് ഇടുകയായിരുന്നു. ഈ സമയം ലോറിക്ക് തൊട്ട് പുറകില് വന്ന കാറുകള് ഒന്നിന് പിറകെ ഒന്നായി ഇടിക്കുകയായിരുന്നു. അപകടത്തില് ആര്ക്കും പരിക്കില്ല.