ഐടിഐ വിദ്യാര്ഥിയെ കിടപ്പുമുറിയില് തൂങ്ങിമരിച്ച നിലയില് കണ്ടെത്തി. ബന്ദിയോട് അടുക്ക ബൈദല സ്വദേശിയും മംഗല്പാടി ചെറുഗോളിയിൽ വാടകവീട്ടിലെ താമസക്കാരനുമായ മുഹമ്മദ് ബാഷയുടെ മകന് ശിഹാബ് (19) ആണ് മരിച്ചത്. ബുധനാഴ്ച പുലര്ച്ചെ വാടകവീട്ടിലെ കിടപ്പുമുറിയിലെ ജനല് കമ്പിയിലാണ് തൂങ്ങിയ നിലയില് കണ്ടെത്തിയത്.
പുലര്ച്ചെ മാതാവ് ശിഹാബിനെ വിളിച്ചെങ്കിലും ഉണര്ന്നില്ല. മുറി അകത്തുനിന്നും പൂട്ടിയ നിലയിലായിരുന്നു. പുറത്തിറങ്ങി ജനലിലൂടെ നോക്കിയപ്പോഴാണ് ജനല് കമ്പിയില് തൂങ്ങിയ നിലയില് കണ്ടത്. ഉടന് ആശുപത്രിയില് എത്തിച്ചെങ്കിലും മരണം സംഭവിച്ചു. മാതാവ്: നബീസ. സഹോദരങ്ങൾ: ഇബ്രാഹിം സിനാന്, അബ്ദുല് ഷബീര്, ഫാത്തിമത്ത് സുഹൈല.