കണിയാമ്പറ്റ : കണിയാമ്പറ്റ ഗ്രാമ പഞ്ചായത്ത് വരദൂര് കുടുംബാരോഗ്യ കേന്ദ്രം പാലിയേറ്റീവ് ദിനാചരണവും സന്ദേശ റാലിയും കണിയാമ്പറ്റ ഗ്രാമ പഞ്ചായത്ത് പുതിയ ഭരണ സമിതി അംഗങ്ങള്ക്കുള്ള സ്വീകരണവും സംഘടിപ്പിച്ചു. സുജിത ഉണ്ണികൃഷ്ണന്റെ പ്രാര്ത്ഥനയോടെ ആരംഭിച്ച കാര്യപടിയില് ജൂനിയര് ഹെല്ത്ത് ഇന്സ്പെക്ടര് . ഷാനിവാസ് സ്വാഗതമാശംസിച്ചു. ഗ്രാമ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാന് സി സുരേഷ് ബാബുവിന്റെ അദ്ധ്യക്ഷതയില് ഗ്രാമ പഞ്ചായത്ത് വൈസ് പ്രസിഡണ്ട് . രോഷ്മ രമേഷ് പരിപാടി ഉദ്ഘാടനം നിര്വ്വഹിച്ചു. പനമരം ബ്ലോക്ക് പഞ്ചായത്ത് വൈസ് പ്രസിഡണ്ട് . റഷീന സുബൈര്, കണിയാമ്പറ്റ ഗ്രാമ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്മാന് . കെ എം ഫൈസല്, ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് . മറിയം അബ്ദുറഹിമാന്, ഗ്രാമ പഞ്ചായത്ത് ഭരണ സമിതി അംഗങ്ങള്, പഞ്ചായത്ത് സെക്രട്ടറി . ബിജിത്ത് എൻ ബി , പാലിയേറ്റീവ് ജില്ലാ കോര്ഡിനേറ്റര് . സമീന , എന്നിവര് ആശംസകള്പ്പിച്ചു സംസാരിച്ചു. ഗ്ലോബല് കെ.എം.സി.സി കണിയാമ്പറ്റ പഞ്ചായത്ത് കമ്മിറ്റി, ബാംഗ്ലൂര് ആസ്ഥാമായി പ്രവര്ത്തിക്കുന്ന പ്രോജക്ട് വിഷന് എന്നീ സംഘടനകള് സ്പോന്സര് ചെയ്ത പാലിയേറ്റീവ് രോഗികള്ക്കുള്ള പുതപ്പുകള് പ്രസ്തുത സംഘടനാ ഭാരവാഹികളുടെ സാനിദ്ധ്യത്തില് വിതരണം ചെയ്തു. ഹെൽത്ത് ഇൻസ്പെക്ടർ ബൈജു നന്ദി പറഞ്ഞു.