Listen live radio
റഷ്യയിലെ കോവാക്സിന് നിര്മ്മാതാക്കളുമായി ഇന്ത്യന് എംബസി ചര്ച്ച നടത്തി
ഡല്ഹി: ലോകത്തിലെ ആദ്യ കോവിഡ് വാക്സിന് നിര്മിച്ച റഷ്യയിലെ മെഡിക്കല് റിസര്ച്ച് ഇന്സ്റ്റിറ്റ്യൂട്ടുമായി മോസ്കോയിലെ ഇന്ത്യന് എംബസി ചര്ച്ച നടത്തിയതായി സര്ക്കാര് വൃത്തങ്ങള് ഇന്ത്യന് എക്സ്പ്രസിനോട് പറഞ്ഞു. പൊതു ഉപയോഗത്തിനായി അംഗീകരിക്കപ്പെട്ട ആദ്യ വാക്സിനാണ് ഇത്.
മോസ്കോ ആസ്ഥാനമായുള്ള ഗമാലേയ റിസര്ച്ച് ഇന്സ്റ്റിറ്റ്യൂട്ട് ഓഫ് എപ്പിഡെമിയോളജി ആന്ഡ് മൈക്രോബയോളജി വികസിപ്പിച്ചെടുത്ത സ്പുട്നിക്-അഞ്ച് വാക്സിന് റഷ്യന് റെഗുലേറ്റര്മാര് കഴിഞ്ഞയാഴ്ച അംഗീകാരം നല്കിയിരുന്നു. പ്രസിഡന്റ് വ്ളാഡിമിര് പുടിന് തന്റെ പെണ്മക്കളില് ഒരാള് ഇതിനകം കുത്തിവയ്പ് നടത്തിയതായി പ്രഖ്യാപിച്ചിരുന്നു.
“മോസ്കോയിലെ ഞങ്ങളുടെ എംബസി വഴി ഇന്ത്യന് മിഷന് റഷ്യന് പക്ഷവുമായി ആശയവിനിമയം നടത്തിയിട്ടുണ്ട്. കോവിഡ് -19 നുള്ള ഈ വാക്സിനുകളുടെ സുരക്ഷയും ഫലപ്രാപ്തിയും ഞങ്ങള് ഇപ്പോള് കാത്തിരിക്കുകയാണ്,” വൃത്തങ്ങള് പറഞ്ഞു.
അതേ സമയം ചില പാശ്ചാത്യ വിദഗ്ദ്ധര് വാക്സിന്റെ സുരക്ഷ സംബന്ധിച്ച് ആശങ്ക അറിയിച്ചിട്ടുണ്ട്. മനുഷ്യരില് നടത്തേണ്ട മൂന്നാം ഘട്ട പരീക്ഷണം നടത്താതെയാണ് വാക്സിന് അംഗീകാരം നല്കിയിരിക്കുന്നത് എന്നതാണ് ഇതിന് കാരണം. പരീക്ഷണത്തിന്റെ ഒന്നും രണ്ടും ഘട്ടങ്ങള് വളരെ വേഗത്തിലാണ് നടന്നത്. രണ്ട് മാസത്തിനുള്ളില് മുഴുവന് പ്രക്രിയയും പൂര്ത്തിയായി. സാധാരണ വാക്സിനുകള് ഈ പരീക്ഷണങ്ങള് പൂര്ത്തിയാക്കാന് നിരവധി മാസങ്ങളോ വര്ഷങ്ങളോ തന്നെ എടുക്കാറുണ്ട്.
പുടിന് പറയുന്നതനുസരിച്ച്, വാക്സിനുശേഷം ആദ്യ ദിവസം പെണ്കുട്ടിയുടെ ശരീര താപനില ഉയര്ന്നെങ്കിലും പിന്നീട് അവസ്ഥ സാധാരണ നിലയിലായി. കൊറോണ വൈറസില് നിന്നുള്ള പ്രതിരോധശേഷിക്ക് ആവശ്യമായ അളവില് ആന്റിബോഡികള് ലഭിച്ചു. വാക്സിനുകളുടെ സുരക്ഷയെയും ഫലപ്രാപ്തിയെയും കുറിച്ച് യാതൊരു സംശയവുമില്ലെന്ന് പുടിന് അവകാശപ്പെട്ടിരുന്നു.
റഷ്യന് സോവറിന് വെല്ത്ത് ഫണ്ട് റഷ്യന് ഡയറക്ട് ഇന്വെസ്റ്റ്മെന്റ് ഫണ്ട് (ആര്ഡിഎഫ്) നടത്തുന്ന ഔദ്യോഗിക സ്പുട്നിക് വി വെബ്സൈറ്റ് പറയുന്നത്, വാക്സിനിലെ ആദ്യ രണ്ട് ഘട്ട ക്ലിനിക്കല് പരീക്ഷണങ്ങള് 2020 ഓഗസ്റ്റ് ഒന്നിന് പൂര്ത്തിയായതായും വാക്സിന് “അടിയന്തര നിയമങ്ങള്” പ്രകാരം ഓഗസ്റ്റ് 11 ന് റഷ്യന് ആരോഗ്യ മന്ത്രാലയത്തില് നിന്ന് രജിസ്ട്രേഷന് സര്ട്ടിഫിക്കറ്റ് ലഭിച്ചതായും പറയുന്നു.”.
“നിരവധി മിഡില് ഈസ്റ്റേണ് (യുഎഇ, സൗദി അറേബ്യ), ലാറ്റിന് അമേരിക്കന് രാജ്യങ്ങള് (ബ്രസീല്, മെക്സിക്കോ) തുടങ്ങിയ രാജ്യങ്ങളിലെ റഷ്യയില് താമസിക്കുന്ന 2000ത്തോളം ആളുകളി മൂന്നാം ഘട്ട ക്ലിനിക്കല് ട്രയല്” ഓഗസ്റ്റ് 12 ന് ആരംഭിക്കുമെന്നായിരുന്നു വെബ്സൈറ്റില് പറഞ്ഞിരുന്നത്. ആദ്യ രണ്ടു ഘട്ടങ്ങളുടേയും ക്ലിനിക്കല് പരീക്ഷണ ഫലങ്ങള് ഗമാലേയ ഇതുവരെ പ്രസിദ്ധീകരിച്ചിട്ടില്ല.