മീനങ്ങാടിയിൽ ബസ്സും കാറും കൂട്ടിയിടിച്ച് അപകടം; മൂന്നുപേർക്ക് പരിക്ക്

മീനങ്ങാടിയിൽ ബസ്സും കാറും കൂട്ടിയിടിച്ച് അപകടം; മൂന്നുപേർക്ക് പരിക്ക്

മീനങ്ങാടിക്ക് സമീപം ദേശീയ പാതയിൽ സ്വകാര്യ ബസ്സും കാറും കൂട്ടിയിടിച്ച് കാർ യാത്രികരായ 3 പേർക്ക് പരിക്കേറ്റു. മീനങ്ങാടി പോളി ടെക്നിക്കിൽ പഠിക്കുന്ന കോഴിക്കോട് സ്വദേശികളായ വിദ്യാർഥികൾക്കാണ് പരിക്കേറ്റതെന്നാണ് ലഭ്യമായ വിവരം.

ഇന്ന് 11.15 ഓടെയാണ് അപകടം ഉണ്ടായത്. അജിൻ, ജിതിൻ, ജിനെറ്റ് എന്നിവർക്കാണ് പരിക്കേറ്റത്. ഇവരെ കൽപ്പറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവരുടെ പരിക്ക് സാരമുള്ളതല്ല.