Listen live radio
കാസര്കോട്: കനത്ത മഴ തുടരുന്ന സാഹചര്യത്തിൽ കാസര്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടർ ഇന്ന് അവധി പ്രഖ്യാപിച്ചു. ജില്ലയിലെ അങ്കണവാടികള്ക്കും കേന്ദ്രീയ വിദ്യാലയങ്ങള് ഉള്പ്പെടെ എല്ലാ സ്കൂളുകള്ക്കും അവധി പ്രഖ്യാപിച്ചിട്ടുണ്ട്. കോളജുകള്ക്ക് അവധി ബാധകമല്ലെന്ന് ജില്ലാ കളക്ടര് ഭണ്ഡാരി സ്വാഗത് രണ്വീര്ചന്ദ് അറിയിച്ചു.
കനത്ത മഴ തുടരുകയും ജില്ലയിലെ പുഴകളും മറ്റു ജലാശയങ്ങളും കരകവിഞ്ഞൊഴുകുകയും ചെയ്യുന്ന സാഹചര്യത്തിലാണ് അവധി പ്രഖ്യാപിച്ചിട്ടുള്ളത്. ജില്ലയിലെ നദികളില് ജലനിരപ്പ് ക്രമാതീതമായി ഉയര്ന്നു. തേജസ്വിനി, ചൈത്രവാഹിനി പുഴകള് കരകവിഞ്ഞൊഴുകി. വെള്ളപ്പൊക്കം, മണ്ണിടിച്ചില് ഭീഷണിയുള്ള പ്രദേശങ്ങളില് നിന്ന് ജനങ്ങളെ മാറ്റിപ്പാര്പ്പിക്കാന് ആരംഭിച്ചു.