Listen live radio
- Advertisement -
കോട്ടയം: സിനിമാ ഷൂട്ടിങ് ലൊക്കേഷനിൽ മുഖംമൂടി ധരിച്ചെത്തിയ അഞ്ചംഗ സംഘത്തിന്റെ ആക്രമണത്തിൽ മേക്കപ് ആർട്ടിസ്റ്റിനു പരുക്ക്. ജൂഡ് ആന്റണി സംവിധാനം ചെയ്യുന്ന ചിത്രത്തിന്റെ ഷൂട്ടിങ് മറവൻതുരുത്ത് പഞ്ഞിപ്പാലത്തിനു സമീപം പുരോഗമിക്കുന്നതിനിടെയാണ് ആക്രമണം ഉണ്ടായത്. ചെമ്പ് ക്രാംപള്ളി മിഥുൻ ജിത്തിനാണ് (31) പരുക്കേറ്റത്.
രാത്രി ഏഴ് മണിയോടെ ഫോൺ വിളിക്കാനായി ഷൂട്ടിങ് സ്ഥലത്തുനിന്നു റോഡിലേക്ക് ഇറങ്ങിയ മിഥുനെ മുഖം മറച്ച് എത്തിയ സംഘം മർദിക്കുകയായിരുന്നു. മിഥുനെ ഉടൻ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തലയ്ക്കു പൊട്ടലേറ്റിട്ടുണ്ട്.
