Listen live radio

ആകാശ് തില്ലങ്കേരിയുടെ ട്രാഫിക് നിയമലംഘനം യൂത്ത് കോണ്‍ഗ്രസ് പ്രവര്‍ത്തകര്‍ ജോ.ആര്‍ ടി ഒ ഓഫീസ് ഉപരോധിച്ചു.

after post image
0

- Advertisement -

മാനന്തവാടി:ട്രാഫിക് നിയമങ്ങള്‍ ലംഘിച്ച് വാഹനമോടിച്ച ശുഐബ് വധക്കേസിലെ ഒന്നാം പ്രതിയും നിരവധി ക്രിമിനൽ കേസുകളിലെ പ്രതിയുമായ ആകാശ് തില്ലങ്കേരിക്കെതിരെ നടപടിയെടുക്കണമെന്നാവശ്യപ്പെട്ട് നിവേദനം നല്‍കാനെത്തിയ യൂത്ത് കോണ്‍ഗ്രസ് പ്രവര്‍ത്തകര്‍ മാനന്തവാടി ജോയിന്റ് ആര്‍ ടി ഒ ഓഫീസ് ഉപരോധിച്ചു.ശുഐബ് വധക്കേസിലെ പ്രതിക്കെതിരെ നടപടി വേണമെന്നും നിയമലംഘനത്തിനുപയോഗിച്ച വാഹനം പിടിച്ചെടുക്കണമെന്നും ആർ സി അടക്കം റദ്ധ് ചെയ്യണമെന്ന് ആവശ്യപ്പെട്ടുള്ള നിവേദനം ജോയിന്റ് ആര്‍ ടി ഒ ക്ക് നല്‍കാനാണ് യൂത്ത് കോണ്‍ഗ്രസ് പ്രവര്‍ത്തകര്‍ കെല്ലൂർ അഞ്ചാംമൈലിലുള്ള ജോയിന്റ് ആര്‍ടി ഒ ഓഫീസിലെത്തിയത്.എന്നാല്‍ പനമരം,വെള്ളമുണ്ട പോലീസ് സ്‌റ്റേഷനിലെതുള്‍പ്പെടെ വന്‍പോലീസ് സന്നാഹം ഇവിടെ തടിച്ചു കൂടി പ്രവർത്തകരെ തടയുകയും ആർ ടി ഒ യെ കാണാൻ അനുമതി നിശേധിക്കുകയും ചെയ്തു ഇതോടു കൂടി പ്രവർത്തകർ ക്ഷുഭിതരാകുകയും പോലീസുമായി നേരിയ വാക്കു തർക്കമുണ്ടാകുകയും തുടർന്ന് മുദ്രാവാക്യവുമായി ഓഫീസിന് മുന്നിൽ കുത്തിയിരുന്നു.ഇതോടുകൂടി വിവിധ പ്രദേശങ്ങളിൽ നിന്ന് പ്രവർത്തകർ തടിച്ചു കൂടാൻ തുടങ്ങിയപ്പോൾ മാനന്തവാടി ഡി വൈ എസ് പി ബിജുരാജ് ഇടപെട്ട് നടത്തിയ ചര്‍ച്ചയില്‍ നിവേദനം നല്‍കാനായി ഏഴു പ്രവര്‍ത്തകരെ കയറ്റിവിടാമെന്ന വ്യവസ്ഥയില്‍ ഉപരോധം അവസാനിപ്പിച്ചു.തുടര്‍ന്ന് മാനന്തവാടി ജോയിന്റ് ആര്‍ ടി ഒ, മനു പി ആർ ന് നിവേദനം നല്‍കുകയും തുടർന്ന് നടത്തിയ ചർച്ചയിൽ അന്വേഷണ ചുമതലയുള്ള എൻഫോഴ്സ്മെൻറ് ആർ ടി ഒയുമായി ഫോണിൽ ബന്ധപ്പെടുകയും അന്വേഷണം ആരംഭിച്ചതായും വണ്ടിയുടെ ആർ സി ഓണറെ കണ്ടെത്തിയതായും ആർ സി റദ്ധ് ചെയ്യുമെന്നും നിയമലഘന നടപടിക്കെതിരെ കടുത്ത പിഴ ചുമത്തുമെന്നും ആകാശ് തില്ലങ്കേരിക്കെതിരെ കടുത്ത കേസെടുക്കുമെന്ന ഉറപ്പുമ്മേൽ ചർച്ച അവസാനിപ്പിച്ചു.
ഉപരോധ സമരം മുതിർന്ന കോൺഗ്രസ് നേതാവ് സി.അബ്ദുൾ അഷറഫ് ഉത്ഘാടനം ചെയ്തു.യൂത്ത് കോൺഗ്രസ് നിയോജക മണ്ഡലം പ്രസിഡണ്ട് അസിസ് വാളാട് അധ്യക്ഷത വഹിച്ചു.ബ്ലോക്ക്‌ കോൺഗ്രസ്‌ പ്രസിഡന്റ്‌ എ. എം. നിഷാന്ത് മുഖ്യ പ്രഭാഷണം നടത്തി,യൂത്ത് കോൺഗ്രസ് സംസ്ഥാന സെക്രട്ടറി അജ്മൽ വെള്ളമുണ്ട,ജില്ലാ വൈസ് പ്രസിഡണ്ട് സാലിഹ് ഇമിനാണ്ടി,ജില്ലാ ജനറൽ സെക്രട്ടറിമാരായ അനീഷ് ജേക്കബ്,മനാഫ് ഉപ്പി,നിയോജക മണ്ഡലം ജനറൽ സെക്രട്ടറി ഷംസീർ അരണപ്പാറ,മുജീബ് കോടിയാടൻ ജിജോ വരയാൽ,കെ എസ് യു ജില്ലാ ജനറൽ സെക്രട്ടറി ആസിഫ് സഹീർ,മനോജ്‌ കൊമ്മയാട്,ബഷീർ എറമ്പയിൽ,മുസ്തഫ എറമ്പയിൽ,അമൻ അബ്ദുള്ള,ഉസ്മാൻ തുടങ്ങിയവർ നേതൃത്വം നൽകി.

Leave A Reply

Your email address will not be published.