ആഗസ്റ്റ് ഏഴിനാരംഭിക്കുന്ന ഓസ്‌ട്രേലിയന്‍ പര്യടനത്തിനുളള ഇന്ത്യന്‍ എ വനിതാ ടീമിനെ വയനാട്ടുകാരി മിന്നു മണി നയിക്കും. മറ്റൊരു വയനാട്ടുകാരി ഓള്‍റൗണ്ടര്‍ സജന സജീവനും ടീമിലിടം നേടി. മൂന്ന് ട്വന്റി20 മത്സരങ്ങളും മൂന്ന് ഏകദിനങ്ങളും ഒരു ചതുര്‍ദിന മത്സരവുമാണ് ഇന്ത്യ എ ടീമും ഓസ്‌ട്രേലിയ എ ടീമുമായി കളിക്കുക. ഓസ്‌ട്രേലിയയിലെ ബ്രിസ്‌ബേനില്‍ ആണ് ടൂര്‍ണമെന്റ് നടക്കുന്നത്. ടീമിലിടം നേടിയ രണ്ടുമലയാളികളും വയനാട്ടുകാരാണ്. 42-ാം വാര്‍ഷികം ആഘോഷിക്കുന്ന വയനാട് ജില്ലാ ക്രിക്കറ്റ് അസോസിയേഷന് അഭിമാന നേട്ടമാണിത്.
