ഐഒസിയെ ജനാധിപത്യപരമാക്കണമെന്ന് എക്സിക്യുട്ടീവ് കമ്മിറ്റി; അംഗങ്ങൾക്കെതിരെ പിടി ഉഷ

ഇതിനു പിന്നാലെയാണ് അംഗങ്ങൾക്കെതിരെ ഉഷ രംഗത്തെത്തിയത്. കമ്മിറ്റിയിലെ മുതിർന്ന അംഗങ്ങൾക്കെതിരെ ഉഷയും ജെറോം പോവെക്ക് കത്തെഴുതി. തന്റെ നേതൃത്വത്തെയും ഇന്ത്യൻ കായിക രം​ഗത്തിന്റെ ഉന്നമനത്തിനായി പ്രവർത്തിക്കുന്നവരുടെ ശ്രമങ്ങളെയും അപകീർത്തിപ്പെടുത്താൻ ലക്ഷ്യമിട്ടുള്ള ആരോപണങ്ങളാണിതെന്ന് പിടി ഉഷ കത്തിൽ പറയുന്നു.

45 വർഷം നീണ്ട തന്റെ കരിയറിൽ ‌‌‌നമ്മുടെ കായിക താരങ്ങളുടെയും രാജ്യത്തിന്റെ കായിക ഭാവിയുടെയും കാര്യത്തിൽ ഇത്രയും നിസം​ഗതയോടെ പെരുമാറുന്ന വ്യക്തികളെ താൻ കണ്ടിട്ടില്ലെന്നും കത്തിൽ സൂചിപ്പിച്ചിട്ടുണ്ട്. ചില കമ്മിറ്റി അംഗങ്ങൾ ഫണ്ട് ദുരുപയോഗം ചെയ്തെന്നും പക്ഷപാതപരമായി പെരുമാറിയെന്നും ചിലർക്കെതിരെ ലൈംഗിക പീഡന പരാതികളുണ്ടെന്നും പിടി ഉഷ കത്തിൽ പറയുന്നു.ഐഒഎയുടെ സിഇഒ ആയി രഘുറാം അയ്യരെ നിയമിക്കുന്നതുമായി ബന്ധപ്പെട്ടാണ് തർക്കം തുടങ്ങിയത്. രഘുറാം അയ്യരുടെ നിയമനത്തിനെതിരാണ് കമ്മിറ്റിയിലെ 12 അം​ഗങ്ങൾ. എന്നാൽ നടപടിക്രമങ്ങളിൽ നിന്ന് പിന്നോട്ടില്ലെന്ന് പിടി ഉഷ വ്യക്തമാക്കിയിരുന്നു.