Listen live radio
- Advertisement -
കണിയാമ്പറ്റ: കൊയ്ത്തുത്സവം 2024- 25 വയനാട് ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡണ്ട് സംഷാദ് മരക്കാര്‍ നിര്‍വഹിച്ചു. കണിയാമ്പറ്റ പഞ്ചായത്ത് പ്രസിഡണ്ട് രജിത കെ.വി അധ്യക്ഷയായിരുന്നു. കുടുംബശ്രീ ജില്ലാ മിഷന്റെ കീഴില്‍ കണിയാമ്പറ്റ പഞ്ചായത്തിലെ നാലാം വാര്‍ഡായ ചിത്രമൂലയില്‍ കൃഷി ചെയ്ത നെല്ല് കൊയ്തു കൊണ്ടാണ് ജില്ലാ പഞ്ചായത്ത് പ്രസിഡണ്ട് ഉദ്ഘാടനം നിര്‍വഹിച്ചത്. യന്ത്ര സഹായമില്ലാതെ പരമ്പരാഗത രീതി മാത്രം പിന്തുടര്‍ന്ന് കൊണ്ട് ചെയ്ത നെല്‍ കൃഷി മാതൃകാപരമാണെന്ന് അദ്ദേഹം പറഞ്ഞു. നിലമൊരുക്കലില്‍ തുടങ്ങി കൊയ്ത്തുവരെ തീര്‍ത്തത് കീര്‍ത്തന കുടുംബശ്രീയിലെ അമൃത ജെ എല്‍ ജി ഗ്രൂപ്പിലെ ആറ് സ്ത്രീകളാണ്. രണ്ടര ഏക്കറിലായി ഉമ നെല്‍വിത്താണ് കൃഷി ചെയ്തത്. ആറുമാസത്തെ കഷ്ടപ്പാടിന്റെ ഫലം കൊയ്തെടുത്ത സന്തോഷത്തിലാണവര്‍.
കുടുംബശ്രീ ജില്ലാ മിഷന്‍ കോഡിനേറ്റര്‍ ബാലസുബ്രഹ്‌മണ്യന്‍ പി കെ, ബ്ലോക്ക് പഞ്ചായത്ത് വൈസ് പ്രസിഡണ്ട് അബ്ദുല്‍ ഗഫൂര്‍ കാട്ടി, കണിയാമ്പറ്റ പഞ്ചായത്ത് വൈസ് പ്രസിഡണ്ട് നൂര്‍ഷ ചേനോത്ത്,ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ നിത്യ ബിജു കുമാര്‍, ക്ഷേമകാര്യ ചെയര്‍മാന്‍ ഷംസുദ്ദീന്‍ പള്ളിക്കര, കണിയാമ്പറ്റ പഞ്ചായത്ത് വാര്‍ഡ് മെമ്പര്‍മാരായ റഷീദ് കെ,സുജേഷ് കുമാര്‍, ജെസി ലസ്ലി,കുഞ്ഞായിഷ കെ, സന്ധ്യ ലീഷു,സരിത ടി കെ,കമലരാമന്‍, ബിനു ജേക്കബ്, രേഷ്മ രമേശ്, പി നജീബ്, സുമ പി എന്‍, സലിജ ഉണ്ണി, സീനത്ത് തന്‍വീര്‍, അബ്ദുല്‍ ലത്തീഫ് മേമാടന്‍, ബിന്ദു ബാബു, ജില്ലാ പ്രോഗ്രാം മാനേജര്‍ സുകന്യ ഐസക്, കണിയാമ്പറ്റ സി ഡി എസ് ചെയര്‍പേഴ്സണ്‍ റൈഹാനത്ത് ബഷീര്‍ എന്നിവര്‍ സംസാരിച്ചു.
