- Advertisement -

- Advertisement -

നിയമസഭ പിരിച്ചുവിട്ടു, കാവൽ മന്ത്രിസഭയ്ക്ക് വിജ്ഞാപനം ഇറങ്ങി

2nd banner for home

- Advertisement -

തിരുവനന്തപുരം: കാവൽ മന്ത്രിസഭയ്ക്ക് അനുമതി നൽകി ​ഗവർണറുടെ വിജ്ഞാപനം ഇറങ്ങി. പുതിയ മന്ത്രിസഭ സത്യപ്രതിജ്ഞ ചെയ്യുന്നത് വരെ നിലവിലെ മുഖ്യമന്ത്രിയും മന്ത്രിമാരും അടങ്ങിയ കാവൽ മന്ത്രിസഭ തുടരും.

- Advertisement -

മന്ത്രിമാരുടെ വകുപ്പുകളിൽ മാറ്റമുണ്ടാവില്ലെങ്കിലും ഇവർക്ക് നയപരമായ തീരുമാനങ്ങൾ എടുക്കാനാവില്ല. എന്നാൽ നിലവിലെ പരിപാടികൾ തുടരാനാവും. 14ാം നിയമസഭ പിരിച്ചുവിട്ടുകൊണ്ടുള്ള മന്ത്രിസഭാ ശുപാർശയും ​ഗവർണർ അം​ഗീകരിച്ചു. ഇതോടെ പ്രതിപക്ഷ നേതാവ്, ഡപ്യൂട്ടി സ്പീക്കർ, ചീഫ് വിപ്പ് പദവികൾ ഇല്ലാതെയായി.

പുതിയ സർക്കാർ അധികാരത്തിലേൽക്കുന്നത് വരെ സ്പീക്കർക്ക് പദവിയിൽ തുടരാം. 14ാം നിയമസഭയിലെ എംഎൽഎമാർ ജനപ്രതിനിധികൾ അല്ലാതായതോടെ 15 ദിവസത്തിനകം ഇവർ ഔദ്യോ​ഗിക വസതികൾ ഒഴിയണം. പ്രോ ടേം സ്പീക്കറാണ് പുതിയ നിയമസഭാ അം​ഗങ്ങൾക്ക് സത്യവാചകം ചൊല്ലി കൊടുക്കേണ്ടത്.

പ്രോ ടേം സ്പീക്കറായി തെരഞ്ഞെടുക്കപ്പെടുന്ന ആൾക്ക് എംഎൽഎ ആയി സത്യവാചകം ചൊല്ലിക്കൊടുക്കേണ്ടത്​ ​ഗവർണറോ അദ്ദേഹം നിയോ​ഗിക്കുന്ന പ്രതിനിധിയോ ആണ്. നിയമസഭയിലെ മുതിർന്ന അം​ഗത്തെയാണ് സാധാരണ പ്രോടേം സ്പീക്കറായി നിയമിക്കുക.

- Advertisement -

Leave A Reply

Your email address will not be published.