തൊടുപുഴ: മദ്യലഹരിയില് വീട് മാറി കയറി അതിഥി തൊഴിലാളി. ഇടുക്കി കട്ടപ്പനയില് ആണ് സംഭവം. കഴിഞ്ഞ ദിവസം പകല് സമയത്ത് ആണ് അപരിചിതനായ വ്യക്തി കട്ടപ്പനയിലെ ഒരു വീട്ടില് കയറിയത്. ഇയാള് മുറിക്കുള്ളില് പ്രവേശിച്ചതോടെ പരിഭ്രാന്തരായ വീട്ടുകാര് കട്ടപ്പന പൊലീസില് വിവരം അറിയിച്ചു.
പൊലിസ് എത്തി, മുറിക്കുള്ളില് നിന്നും ഇയാളെ പുറത്തിറക്കി ചോദ്യം ചെയ്തപ്പോള് തന്റെ വീട് ആണെന്ന് തെറ്റി ധരിച്ചാണ് അകത്തു കയറിയതെന്നായിരുന്നു മറുപടി. കഴിഞ്ഞ 12 വര്ഷമായി കേരളത്തില് ജോലി ചെയ്ത് വരികയാണ് ഇയാള്.മധ്യലഹരിയില് പറ്റിയ അബദ്ധം എന്നാണ് നിഗമനം. ബോധപൂര്വ്വം കുറ്റകൃത്യം ചെയ്യാന് ലക്ഷ്യമിട്ടല്ല വീടിനുള്ളില് കയറിയതെന്ന് വ്യക്തമായതിനാല് മറ്റ് നടപടികള് സ്വീകരിയ്ക്കാതെ പൊലിസ് ഇയാളെ വിട്ടയച്ചു.