Listen live radio
- Advertisement -
ദില്ലി: കോവിഡിന്റെ (Covid) പുതിയ വകഭേദമായ ഒമിക്രോണിന്റെ ആശങ്ക തുടരുന്നതിനിടെ ബൂസ്റ്റര്‍ ഡോസായി കോവിഷീല്‍ഡ് ഉപയോഗിക്കുന്നതിന് ഡ്രഗ് റെഗുലേറ്റര്‍ ഓഫ് ഇന്ത്യയുടെ അനുമതി തേടി.
കൊറോണ വൈറസിന്റെ പുതിയ വകഭേദത്തെ നേരിടാന്‍ ഒരു ബൂസ്റ്റര്‍ ഷോട്ടിന്റെ ആവശ്യകതയുണ്ടെന്നാണ് സെറം ഇന്‍സ്റ്റിറ്റ്യൂട്ട് പറയുന്നത് .
ബ്രിട്ടന്റെ മെഡിസിന്‍സ് ആന്‍ഡ് ഹെല്‍ത്ത് കെയര്‍ പ്രൊഡക്‌ട്സ് റെഗുലേറ്ററി ഏജന്‍സി ബൂസ്റ്റര്‍ ഡോസായി ‘ആസ്ട്ര സെനക’ക്ക് അംഗീകാരം നല്‍കിയതായി സിറം ഇന്‍സ്റ്റിറ്റ്യൂട്ട് ഓഫ് ഇന്ത്യയുടെ (എസ്‌.ഐ.ഐ) ഗവണ്‍മെന്‍റ് ആന്‍ഡ് റെഗുലേറ്ററി അഫയേഴ്‌സ് ഡയറക്ടര്‍ പ്രകാശ് കുമാര്‍ സിങ് വ്യക്തമാക്കി.
നിലവില്‍ ആവശ്യത്തിന് വാക്‌സിന്‍ സ്‌റ്റോക്കുണ്ട്, പുതിയ കോവിഡ് വകഭേദത്തിന്റെ പശ്ചാത്തലത്തില്‍ ബൂസ്റ്റര്‍ ഡോസിന് ആവശ്യക്കാര്‍ വര്‍ധിച്ച്‌ വരുന്നതായും കമ്ബനി അറിയിച്ചതായി സര്‍ക്കാര്‍ വൃത്തങ്ങളെ ഉദ്ധരിച്ചുള്ള റിപ്പോര്‍ട്ടുകളില്‍ പറയുന്നു.
