Listen live radio
കൊച്ചി: അധ്യയനവര്ഷത്തിന് തുടക്കം കുറിക്കുന്ന ജൂണ് ഒന്നിന് സ്കൂള് തുറക്കുമ്പോള്, ആഘോഷത്തില് പങ്കാളികളായി കൊച്ചി മെട്രോയും. സൗജന്യ യാത്രയാണ് മെട്രോ വാഗ്ദാനം ചെയ്യുന്നത്. ജൂണ് ഒന്നിന് കൊച്ചി മെട്രോയില് വിദ്യാര്ത്ഥികള്ക്കും അധ്യാപകര്ക്കും സൗജന്യമായി യാത്ര ചെയ്യാം.
ജൂണ് ഒന്നിന് രാവിലെ ഏഴുമണിമുതല് ഒമ്പത് മണിവരെയും ഉച്ചയ്ക്ക് 12.30 മുതല് 3.30 വരെയുമാണ് വീട്ടില് നിന്ന് സ്കൂളിലേക്കും തിരിച്ചും സൗജന്യമായി യാത്ര ചെയ്യാവുന്നത്.
ഒന്നുമുതല് പന്ത്രണ്ടാം ക്ലാസ് വരെയുള്ള വിദ്യാര്ത്ഥികള്ക്കാണ് സൗജന്യ യാത്രയ്ക്ക് അര്ഹത. സൗജന്യയാത്രയ്ക്കായി വിദ്യാര്ത്ഥികളും അധ്യാപകരും തിരിച്ചറിയല് കാര്ഡ് കൗണ്ടറില് ഹാജരാക്കണം.