Listen live radio
ഡി റിസര്‍വ്ഡ് കോച്ചുകൾ പുനരാരംഭിച്ച് റെയിൽവേ; സ്റ്റേഷനില്‍ നിന്ന് പകല്‍ സമയത്ത് ടിക്കറ്റെടുക്കാം
- Advertisement -
കണ്ണൂര്‍: കേരളത്തിലൂടെ ഓടുന്ന ആറ് ട്രെയിനുകളില്‍ ഡി റിസര്‍വ്ഡ് കോച്ച് പുനരാരംഭിച്ചു. ജനറല്‍ കോച്ചുകളിലെ തിരക്ക് കുറയ്ക്കാനാണ് റെയില്‍വേ ചില കോച്ചുകള്‍ ഡി റിസര്‍വ്ഡായി സംവരണം ചെയ്തത്.
ഈ മാസം 28നുള്ളില്‍ 20 വണ്ടികളില്‍ക്കൂടി ഡി റിസര്‍വ്ഡ് കോച്ച് തുടങ്ങും. കോവിഡിനു മുന്‍പ് 21 വണ്ടികളിലുണ്ടായിരുന്നു.
സ്റ്റേഷനില്‍ നിന്ന് പകല്‍ സമയത്ത് ടിക്കറ്റെടുക്കാം. സ്ലീപ്പര്‍ ടിക്കറ്റിനെക്കാള്‍ നിരക്ക് കുറവാണ്. സീസണ്‍ ടിക്കറ്റുകാര്‍ക്കും കോച്ചില്‍ കയറാം.
ചുരുങ്ങിയ എക്‌സ്പ്രസ് സ്ലീപ്പര്‍ ടിക്കറ്റ് നിരക്ക് 145 രൂപയാണ്. ഡി റിസര്‍വ്ഡ് കോച്ചില്‍ 65 രൂപ മതി. സൂപ്പര്‍ ഫാസ്റ്റില്‍ സ്ലീപ്പറിന് 175 രൂപയും ഡി കോച്ചില്‍ 95 രൂപയുമാണ്.
