വയനാട് ജില്ലാതല അയല്പക്ക യുവ പാർലമെന്റ് സംഘടിപ്പിച്ചു

മാനന്തവാടി: നെഹ്‌റു യുവ കേന്ദ്ര വയനാടും വയനാട് ഇൻസ്റ്റിറ്റ്യൂട്ട് ഓഫ് സ്‌കിൽ എക്സലൻസും സംയുക്തമായി സംഘടിപ്പിച്ച ജില്ലാ തല അയൽപക്ക യുവ പാർലമെന്റ് സി-ഡിറ്റ് മാനന്തവാടിയിൽ നടന്നു. പരിപാടി വയനാട് ജില്ലാ കളക്‌ടർ ഡോ. രേണു രാജ് ഐ എ എസ്‌ ഉദ്ഘാടനം ചെയ്തു.നെഹ്‌റു യുവ കേന്ദ്ര ജില്ലാ യൂത്ത് ഓഫീസർ ഉണ്ണികൃഷ്ണൻ ഡി അധ്യക്ഷത വഹിച്ച ചടങ്ങിൽ വോന്യൂ ഇന്നൊവേഷൻസ് പ്രൈവറ്റ് ലിമിറ്റഡ് സി ഇ ഒ അല്ലൻ റിന്റോൾ ജോസഫ് മുഖ്യാതിഥിയായി. “സംരഭകത്വം, കരിയർ ഗൈഡൻസ്” എന്നീ വിഷയങ്ങളെ ആസ്പദമാക്കി നിസാമുദ്ദിൻ കെ സംസാരിച്ചു. ചടങ്ങിൽ വയനാട് ഇൻസ്റ്റിറ്റ്യൂട്ട് ഓഫ് സ്‌കിൽ എക്സലൻസ് എം ഡി അനീഷ്, നാഷണൽ യൂത്ത് വളണ്ടിയർ അക്ഷയ് എന്നിവർ സംസാരിച്ചു.