Listen live radio
തിരുവനന്തപുരം: അംഗന്വാടി പ്രവര്ത്തകരുടെ വേതനം 1000 രൂപവരെ ഉയര്ത്തിയതായി ധനകാര്യ മന്ത്രി കെ എന് ബാലഗോപാല് അറിയിച്ചു. പത്തു വര്ഷത്തിനുമുകളില് സേവന കാലാവധിയുള്ള അംഗന്വാടി വര്ക്കര്മാരുടെയും ഹെല്പ്പര്മാരുടെയും വേതനം ആയിരം രൂപ വര്ധിപ്പിച്ചു. മറ്റുള്ളവരുടെ വേതനത്തില് 500 രൂപ കൂടും. 60,232 പേര്ക്കാണ് ഇതിന്റെ ആനുകൂല്യം ലഭിക്കുകയെന്നും ധനമന്ത്രി വ്യക്തമാക്കി.
നിലവില് വര്ക്കര്മാര്ക്ക് പ്രതിമാസം 12,000 രൂപയും ഹെല്പ്പര്മാര്ക്ക് 8000 രൂപയുമാണ് ലഭിച്ചിരുന്നത്. കഴിഞ്ഞ ഡിസംബര് മുതല് പുതുക്കിയ വേതനത്തിന് അര്ഹതയുണ്ടാകും. ഇരു വിഭാഗങ്ങളിലുമായി 44,737 പേര്ക്ക് വേതനത്തില് ആയിരം രൂപ അധികം ലഭിക്കും. 15,495 പേര്ക്ക് 500 രൂപ വേതന വര്ധനയുണ്ടാകും. സംസ്ഥാനത്ത് 258 ഐസിഡിഎസുകളിലായി 33,115 അംഗന്വാടികളാണ് പ്രവര്ത്തിക്കുന്നതെന്നും മന്ത്രി കൂട്ടിച്ചേര്ത്തു.