Listen live radio
- Advertisement -
ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് പ്രസിദ്ധീകരിച്ച ‘കേരളം ലോക്സഭയില്‍ തെരഞ്ഞെടുപ്പ് ചരിത്രം 1952-2019’ പുസ്തകം പ്രകാശനം ചെയ്തു. ജില്ലാ കളക്ടര്‍ ഡോ.രേണുരാജ്, തെരഞ്ഞെടുപ്പ് പൊതു നിരീക്ഷകന്‍ നികുഞ്ച് കുമാര്‍ ശ്രീവാസ്തവ, ചെലവ് നിരീക്ഷകന്‍ കൈലാസ് പി ഗെയ്ക് വാദ് എന്നിവര്‍ ചേര്‍ന്നാണ് പുസ്തകം പ്രകാശനം ചെയ്തത്. 1952 മുതല്‍ 2019 വരെയുള്ള ലോക്സഭ തെരഞ്ഞെടുപ്പ് ചരിത്രമാണ് പുസ്തകത്തില്‍ ഉള്‍പ്പെടുത്തിയിരിക്കുന്നത്. തെരഞ്ഞെടുപ്പ് അടിസ്ഥാന വിവരങ്ങള്‍, മാതൃകാ പെരുമാറ്റചട്ടം, ഹരിതചട്ടം മാര്‍ഗരേഖ, ദേശീയപാര്‍ട്ടികള്‍, സംസ്ഥാനങ്ങളിലെ സീറ്റുകള്‍, ഇന്ത്യന്‍പ്രധാനമന്ത്രിമാര്‍, ലോക്സഭയിലെ കേരളം, തെരഞ്ഞെടുപ്പിലെ മുഖ്യമന്ത്രിമാര്‍, ദേശീയ പാര്‍ട്ടികളുടെ പ്രകടനം, 2024 ലോക്സഭ തെരഞ്ഞെടുപ്പിലെ സ്ഥാനാര്‍ത്ഥികള്‍, എന്നിവയാണ് പുസ്തകത്തിന്റെ ഉള്ളടക്കം. കളക്ടറേറ്റില്‍ നടന്ന പരിപാടിയില്‍ എ.ഡി.എം കെ. ദേവകി, മാനന്തവാടി സബ് കളക്ടര്‍ മിസാല്‍ സാഗര്‍ ഭരത്, മലപ്പുറം അസിസ്റ്റന്റ് കളക്ടര്‍ സുമിത് കുമാര്‍ ഠാക്കൂര്‍, അസിസ്റ്റന്റ് റിട്ടേണിങ് ഓഫീസര്‍മാര്‍, ഉദ്യോഗസ്ഥര്‍ എന്നിവര്‍ പങ്കെടുത്തു.
