Listen live radio
പൊലീസുകാരനെ ഡ്യൂട്ടിക്കിട്ട ശേഷം രാത്രി ക്വാർട്ടേഴ്സിലെത്തി അദ്ദേഹത്തിന്റെ ഭാര്യയോട് അപമര്യാദയായി പെരുമാറി: എസ്ഐക്കെതിരെ കേസ്
ആലപ്പുഴ: പൊലീസുകാരന്റെ ഭാര്യയോട് അപമര്യാദയായി പെരുമാറിയ എസ്ഐക്കെതിരെ കേസ്. പൊലീസുകാരനെ ഡ്യൂട്ടിക്കിട്ട ശേഷം അദ്ദേഹത്തിന്റെ ക്വാർട്ടേഴ്സിൽ എത്തിയ ഭാര്യയോട് അപമര്യാദയായി പെരുമാറിയ എസ്ഐക്കെതിരെയാണ് കേസ് രജിസ്റ്റർ ചെയ്തത്.
ആലപ്പുഴ പൊലീസ് ടെലി കമ്യൂണിക്കേഷൻസ് വിഭാഗം എസ്ഐ എൻ.ആർ.സന്തോഷിനെതിരെയാണ് നോർത്ത് പൊലീസ് കേസ് എടുത്തത്. കഴിഞ്ഞ 18-ാം തിയതിയാണ് കേസിനാസ്പദമായ സംഭവം. പൊലീസ് ആസ്ഥാനത്തു നിന്നു വയർലെസ് സെറ്റ് വാങ്ങാനായി പൊലീസുകാരനെ ഉച്ചയ്ക്ക് തിരുവനന്തപുരത്തേക്ക് അയച്ചു. അന്നു രാത്രി 8.30യോടെ എസ്ഐ ഇതേ പൊലീസുകാരന്റെ ക്വാർട്ടേഴ്സിൽ എത്തി. വാതിൽ തുറന്ന ഭാര്യയോട് ഒരു കാര്യം പറയാനുണ്ടെന്ന് അറിയിച്ച എസ്ഐ അപമര്യാദയായി സംസാരിക്കുകയും ബലപ്രയോഗത്തിനു ശ്രമിക്കുകയും ചെയ്തതായാണ് പരാതി. പ്രതിയായ എസ്ഐ ഒളിവിലാണെന്ന് നോർത്ത് പൊലീസ് പറഞ്ഞു.