Listen live radio
വത്തിക്കാന്: യുക്രൈന് റഷ്യ യുദ്ധത്തില് സമാധാന സന്ദേശവുമായി പോപ്പ് ഫ്രാന്സിസ്. ട്വിറ്ററിലൂടെയാണ് ക്രൈസ്തവ സഭ മേധാവി സമാധാന സന്ദേശം പങ്കുവച്ച് ഒന്നിച്ച് പ്രാര്ത്ഥിക്കാം, യുക്രൈന് എന്നീ ഹാഷ്ടാഗുകള്ക്കൊപ്പം ക്രൂശിതമായ ക്രിസ്തുവിന്റെ ചിത്രത്തില്. ‘എല്ലാ യുദ്ധക്കളും മുന്പുള്ളതിനേക്കാള് മോശമായി ലോകത്തെ മാറ്റുന്നു. രാഷ്ട്രീയത്തിന്റെയും മനുഷ്യത്വത്തിന്റെ പരാജയമാണ് യുദ്ധം. അപമാനകരമായ കീഴടങ്ങല്, പൈശാചികതയുടെ ശക്തിക്ക് മുന്നില് തോല്വി സമ്മതിക്കല്’ ഫ്രാന്സിസ് മാര്പാപ്പ രേഖപ്പെടുത്തി.
അതേ സമയം വെള്ളിയാഴ്ച നടന്ന മറ്റൊരു സംഭവത്തില് ഫ്രാന്സിസ് മാര്പാപ്പ വത്തിക്കാനിലെ റഷ്യന് എംബസി സന്ദര്ശിച്ചു. റഷ്യന് അംബാസിഡറുമായി 30 മിനുട്ടോളം സംസാരിച്ച മാര്പാപ്പ. റഷ്യയുടെ യുക്രൈന് അധിവേശം സംബന്ധിച്ച ആശങ്ക പങ്കുവച്ചതായാണ് റിപ്പോര്ട്ട്. അതേ സമയം റഷ്യ യുക്രൈന് സംഘര്ഷത്തില് മദ്ധ്യസ്ഥം വഹിക്കാം എന്ന് മാര്പാപ്പ അറിയിച്ചുവെന്ന റിപ്പോര്ട്ടുകള് വത്തിക്കാന് തള്ളികളഞ്ഞു.
അതേ സമയം യുക്രൈന് തലസ്ഥാനമായ കീവില് തന്നെയുണ്ടെന്ന് പ്രസിഡന്റ് വ്ലാദിമിർ സെലൻസ്കി. നേരത്തെ പ്രസിഡന്റ് ബങ്കറിലേക്ക് മാറി എന്ന വാര്ത്ത വന്നതിന് പിന്നാലെയാണ് കീവിലെ പ്രസിഡന്റ് ഓഫീസിന് മുന്നില് നിന്നും സംസാരിക്കുന്ന വീഡിയോ പുറത്തുവന്നത്. യുക്രൈന് ജനതയ്ക്ക് എന്നപേരിലാണ് പ്രസിഡന്റ് സെലന്സ്കിയുടെ വീഡിയോ സന്ദേശം പുറത്തുവന്നിരിക്കുന്നത്. ‘രാജ്യം വിട്ട് പോകില്ല അവസാനം വരെ പോരാടും’ വീഡിയോ സന്ദേശത്തില് പ്രസിഡന്റ് പറയുന്നു. പ്രസിഡന്റിനൊപ്പം യുക്രൈന് ആഭ്യന്തര പ്രതിരോധ മന്ത്രിമാരും ഉണ്ടായിരുന്നു.