Listen live radio
- Advertisement -
മുസാഫര്‍നഗര്‍: ഉത്തര്‍പ്രദേശിലെ മുസാഫര്‍നഗര്‍ ജില്ലയില്‍ പതിനെട്ടുകാരിയെ നാലുപേര്‍ ചേര്‍ന്ന് തട്ടിക്കൊണ്ടുപോയി വില്‍ക്കാന്‍ ശ്രമിച്ചതായി പരാതി. ആഗസ്ത് 18 ന് സിഖെദ പൊലീസ് സ്റ്റേഷന്‍ പരിധിയിലുള്ള ഒരു ഗ്രാമത്തിലെ വീട്ടില്‍ നിന്ന് 18 വയസുള്ള കൗമാരക്കാരിയെ ഒരു പുരുഷനും മൂന്ന് സ്ത്രീകളും മദ്യപിച്ച്‌ തട്ടിക്കൊണ്ടുപോയി.
ഹരിയാനയിലെ പാനിപ്പട്ടിലെ ഒരു വീട്ടിലേക്ക് കൊണ്ടുപോയി. അവിടെ ബന്ദിയാക്കിയിരുന്നുവെന്ന് ശിശു സംരക്ഷണ ഹെല്‍പ്പ്‌ലൈന്‍ ഉദ്യോഗസ്ഥര്‍ പറഞ്ഞു.കരം വീര്‍, സരോജ്, രാധിക, പൂജ എന്നിവരാണ് പണത്തിനായി മറ്റൊരു പുരുഷന് വില്‍ക്കാന്‍ ശ്രമിച്ചത്.
എന്നാല്‍, ബോധം വന്നതിനെ തുടര്‍ന്ന് പെണ്‍കുട്ടി എങ്ങനെയൊ അവിടെ നിന്നും രക്ഷപ്പെട്ട് മാതാപിതാക്കളുടെ വീട്ടിലെത്തുകയായിരുന്നു. തുടര്‍ന്ന് താന്‍ നേരിട്ട ദുരനുഭവം മാതാപിതാക്കളോട് വിവരിച്ചതായി ഹെല്‍പ്പ് ലൈന്‍ ഇന്‍ ചാര്‍ജ് പൂനം ശര്‍മ പറഞ്ഞു.
ഓഗസ്റ്റ് 22 ന് അവര്‍ ശിശുസംരക്ഷണ ഹെല്‍പ്പ് ലൈനിനെ സമീപിക്കുകയും ആഗസ്റ്റ് 27 ന് ഇക്കാര്യം പോലീസിന് കൈമാറുകയും ചെയ്തു. ഇന്ത്യന്‍ ശിക്ഷാ നിയമത്തിലെ 366 (ഒരു സ്ത്രീയെ വിവാഹം നിര്‍ബന്ധിക്കാന്‍ തട്ടിക്കൊണ്ടുപോകല്‍), 368 (തെറ്റായി തടവില്‍ പാര്‍പ്പിക്കല്‍) എന്നീ വകുപ്പുകള്‍ പ്രകാരം നാല് പേര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്.
