അപ്പാനി ശരത്ത് ചിത്രം ആദിവാസിയുടെ ചിത്രീകരണം പൂർത്തിയായി

വിശപ്പ് പ്രേമേയമാക്കി വിജീഷ് മണി സംവിധാനം ചെയ്യുന്ന ആദിവാസി എന്ന സിനിമയുടെ ചിത്രീകരണം പൂർത്തിയായി. ചിത്രത്തിൽ നായകനായി എത്തുന്നത് അപ്പാനി ശരത്ത് ആണ്. വിശപ്പിന്റെ പേരിൽ മരണം വരിക്കേണ്ടി വന്ന ആദിവാസി യുവാവ് മധുവിന്റെ ജീവിതം സിനിമയാക്കുന്ന ചിത്രം മുടുക ഗോത്ര ഭാഷയിലാണ് ഒരുങ്ങുന്നത്. ഏരീസ് ഗ്രൂപ്പിന്റെ ബാനറിൽ ഡോ. സോഹൻ റോയ് ആണ് നിർമിക്കുന്നത്.

അപ്പാനി ശരത്തിന് പുറമെ നിരവധി ആദിവാസി കലാകാരന്മാരും അഭിനയിക്കുന്നുണ്ട്. ഛായാഗ്രഹണം-പി. മുരുഗേശ്വരൻ, എഡിറ്റിംഗ്- ബി. ലെനിൻ, സംഭാഷണം-എം. തങ്കരാജ്, ഗാനരചന-ചന്ദ്രൻ മാരി, ചീഫ് അസോസിയേറ്റ് ഡയറക്ടർ-മാരുതി ക്രിഷ്, ആർട്ട് ഡയറക്ടർ- കൈലാഷ്, മേക്കപ്പ് ശ്രീജിത്ത് ഗുരുവായൂർ.