Listen live radio
തിരുവനന്തപുരം: സംസ്ഥാന ചലച്ചിത്ര അവാര്ഡുകള് ഇന്ന് പ്രഖ്യാപിക്കും. വൈകീട്ട് അഞ്ചുമണിക്കാണ് പുരസ്കാര പ്രഖ്യാപനം. ബോളിവുഡ് സംവിധായകനും തിരക്കഥാകൃത്തുമായ അഖ്തര് മിര്സയാണ് ജൂറി ചെയര്മാന്.
ഇത്തവണ 140 ഓളം സിനിമകളാണ് ജൂറിക്ക് മുന്നിലെത്തിയത്. ഇതില് 45 ഓളം സിനിമകള് അന്തിമ റൗണ്ടില് എത്തിയെന്നാണ് വിവരം. മമ്മൂട്ടി, മോഹന്ലാല്, ദുല്ഖര് സല്മാന്, പ്രണവ് മോഹന്ലാല്, പൃഥ്വിരാജ്, സുരേഷ് ഗോപി തുടങ്ങി മുന്നിര താരങ്ങളുടെ ചിത്രങ്ങളെല്ലാം ഇക്കുറി മത്സരത്തിനുണ്ട്.
ദൃശ്യം 2 ആണ് മോഹന്ലാലിന്റെ ചിത്രം. വണ്, ദ പ്രീസ്റ്റ് എന്നിവയാണ് മമ്മൂട്ടിയുടെ ചിത്രങ്ങള്. ഇന്ദ്രൻസിന്റെ ഹോം എന്ന ചിത്രവും മത്സരത്തിലുണ്ട്. ഗ്രേസ് ആന്റണി, പാര്വ്വതി തിരുവോത്ത്, ദര്ശന രാജേന്ദ്രന്, മഞ്ജു വാര്യര്, കല്യാണി പ്രിയദര്ശന്, അന്ന ബെന്, ഐശ്വര്യലക്ഷ്മി, ഉര്വ്വശി, മംമ്ത മോഹന്ദാസ് തുടങ്ങിയവർ മികച്ച നടിക്കായുള്ള മത്സരരംഗത്തുണ്ട്.