Listen live radio
യുവാവിനെ ക്രൂരമായി മര്‍ദിച്ചു പരുക്കേല്‍പ്പിച്ച സംഭവത്തില്‍ 2 പേര്‍ അറസ്റ്റില്‍
- Advertisement -
കല്‍പ്പറ്റ: കാര്‍ ബൈക്കിനോടു ചേര്‍ന്ന് ഓവര്‍ടേക്ക് ചെയ്തതുമായി ബന്ധപ്പെട്ടുള്ള തര്‍ക്കത്തെ തുടര്‍ന്നു യുവാവിനെ ക്രൂരമായി മര്‍ദിച്ചു പരുക്കേല്‍പ്പിച്ച സംഭവത്തില്‍ 2 പേരെ മേപ്പാടി പൊലീസ് അറസ്റ്റ് ചെയ്തു. മലപ്പുറം, കടമ്പോട്, ചാത്തന്‍ചിറ വീറ്റില്‍ ബാദുഷ(26), മലപ്പുറം, തിരൂര്‍, പൂക്കയില്‍ പുഴക്കല്‍ വീട്ടില്‍ മുഹമ്മദ് റാഷിദ്(29) എന്നിവരെയാണ് മുട്ടിലില്‍ വച്ച് അറസ്റ്റ് ചെയ്തത്. സംഭവത്തില്‍ ഉള്‍പ്പെട്ട മറ്റു പ്രതികള്‍ക്കായി അന്വേഷണം ഊര്‍ജിതമാക്കി. മേയ് 5 നു പുലര്‍ച്ചെയാണ് കേസിനാസ്പദമായ സംഭവം. തോമ്മാട്ടുചാല്‍ സ്വദേശിയായ യുവാവ് ഓടിച്ചിരുന്ന കാര്‍ ബൈക്കിനോടു ചേര്‍ന്ന് ഓവര്‍ടേക്ക് ചെയ്തതായി ആരോപിച്ച് എട്ടോളം ആളുകള്‍ ചേര്‍ന്നു യുവാവിനെ കാറില്‍ നിന്നും വലിച്ചിറക്കി ആയുധങ്ങള്‍ ഉപയോഗിച്ച് ക്രൂരമായി മര്‍ദിച്ചു. തുടര്‍ന്ന്, വാഹനത്തില്‍ കയറ്റി ചിത്രമൂലയിലെ ചായത്തോട്ടത്തില്‍ കൊണ്ടുപോയി വീണ്ടും മര്‍ദിക്കുകയും കത്തി കാണിച്ച് കൊല്ലുമെന്ന് ഭീഷണിപ്പെടുത്തുകയും ചെയ്തു. മര്‍ദനത്തെ തുടര്‍ന്ന് യുവാവിന്റെ കാല്‍പാദത്തിന്റെ എല്ലു പൊട്ടി ഗുരുതര പരുക്കേല്‍ക്കുകയായിരുന്നു. എസ്.ഐ എം പി ഷാജി, സീനിയര്‍ സിവില്‍ പെലീസ് ഓഫിസര്‍മാരായ എം.വി ബിഗേഷ്, എ. എസ് പ്രശാന്ത് കുമാര്‍, സിവില്‍ പൊലീസ് ഓഫിസറായ ബാലു നായര്‍ തുടങ്ങിയവരും പൊലീസ് സംഘത്തിലുണ്ടായിരുന്നു.
