വിദ്യാർഥികൾ ഉൾപ്പെടെയുള്ളവർക്ക് കഞ്ചാവ് വിൽപ്പന നടത്തുന്ന യുവാവ് പിടിയില്‍

മാനന്തവാടി: അഞ്ചാംമൈൽ ടൗണിലും പരിസരപ്രദേശങ്ങളിലും വിദ്യാർഥികൾ ഉൾപ്പെടെയുള്ളവർക്ക് കഞ്ചാവ് വിൽപ്പന നടത്തി വന്നിരുന്ന കാട്ടിൽ വീട്ടിൽ കെ.ടി ഹൈദർ അലി 25/20 എന്നയാളെ പിടികൂടി. ഇയാളില്‍ നിന്ന് 500 ഗ്രാം കഞ്ചാവ് കണ്ടത്തി. കഞ്ചാവ് വച്ച കുറ്റത്തിന് നാലാംമൈൽ ടൗണിൽ വച്ച് മാനന്തവാടി എക്സൈസ് ഇൻസ്പെക്ടർ ടി ഷറഫുദ്ദീനും സംഘവും ചേർന്നാണ് പ്രതിയെ വലയിലാക്കിയത്. ഇയാള്‍ സംഭവസ്ഥലത്തു നിന്നും ഓടിരക്ഷപ്പെടുകയായിരുന്നു.
പ്രതി ഉപയോഗിച്ച KL 01AM 722 ബജാജ് ഡിസ്കവർ ബൈക്കും കസ്റ്റഡിയിലെടുത്തു. ഇദ്ദേഹത്തിന്‍റെ ഫോണിലേക്ക് നിരവധി ആളുകളാണ് കഞ്ചാവിനായി വിളിച്ചിരുന്നത്. ഇതിൽ ഉള്‍പ്പെട്ട വിദ്യാർഥികളുടെ മാതാപിതാക്കളെ വിളിച്ചുവരുത്തി കൗൺസിലിംഗിന് ശേഷം ഇവരെ വിട്ടയക്കുകയും ചെയ്തു.
ഇയാൾക്കെതിരെ ഇതിനുമുമ്പും മയക്കുമരുന്ന് കേസ് നിലവിലുണ്ട്. സിവിൽ എക്സൈസ് ഓഫീസർമാരായ ഷിൻ്റോ സെബാസ്റ്റ്യൻ, ഷാഫി.ഒ, ഹാഷിം.കെ,ജോബിഷ് കെ.യു എന്നിവരാണ് യുവാവിനെ വിദഗിധമായി പിടികൂടിയത്.