Listen live radio
കേന്ദ്രം യുവജനങ്ങളുടെ ഭാവി കവര്ന്നെടുത്തു; സര്ക്കാര് തസ്തികകളില് നിയമനനിരോധനം ഏര്പ്പെടുത്തുമെന്ന റിപ്പോര്ട്ടുകളെ അപലപിച്ച് രാഹുലി ഗാന്ധി
ഡല്ഹി : കേന്ദ്ര സര്ക്കാരിനെതിരെ വിമര്ശനവുമായി കോണ്ഗ്രസ് നേതാവ് രാഹുല് ഗാന്ധി. സര്ക്കാര് തസ്തികകളില് നിയമനനിരോധനം ഏര്പ്പെടുത്തുമെന്ന റിപ്പോര്ട്ടുകളെ അപലപിച്ചാണു രാഹുലിന്റെ ട്വീറ്റ്. പരമാവധി സ്വകാര്യവത്ക്കരണമാണ് മോദി സര്ക്കാരിന്റെ ലക്ഷ്യമെന്ന് രാഹുല് ആരോപിച്ചു.
കേന്ദ്ര സര്ക്കാര് പുതിയ തസ്തികകള് സൃഷ്ടിക്കുന്നതു മരവിപ്പിക്കുകയാണ്. കോവിഡിന്റെ പേരില് സര്ക്കാര് ഒഴിവുകഴിവു പറയുകയാണ്. യുവജനങ്ങളുടെ ഭാവി കവര്ന്നെടുത്തു ബിജെപി സര്ക്കാരിന്റെ അടുപ്പക്കാരെ മുന്നോട്ടുകൊണ്ടുവരിക മാത്രമാണു ബിജെപി സര്ക്കാരിന്റെ ലക്ഷ്യമെന്നും രാഹുല് ആരോപിച്ചു.
കുറച്ചു ഭരണം, കൂടുതല് സ്വകാര്യവത്ക്കരണം എന്നതാണു മോദി സര്ക്കാരിന്റെ ചിന്തയെന്നും നിയമനം മരവിപ്പിച്ച മാധ്യമ റിപ്പോര്ട്ട് പങ്കുവച്ചുകൊണ്ടു രാഹുല് കുറ്റപ്പെടുത്തി.