യാത്രാപാസിൽ കൃത്രിമം; ഒരാൾ പിടിയിൽ

മുത്തങ്ങ: യാത്രാപാസിൽ കൃത്രിമം കാട്ടി സംസ്ഥാനത്തേക്ക് കടക്കാൻ ശ്രമം; മുത്തങ്ങയിൽ വീണ്ടും ഒരാൾ പിടിയിൽ. കണ്ണൂർ തോട്ടട സ്വദേശി ബിനോയി(30) ആണ് പിടിയിൽ. ഇന്ന് പതിനൊന്ന് മണിയോടെയാണ് ഇയാൾ മൈസൂരിൽ നിന്നും അതിർത്തികടന്ന് മുത്തങ്ങ ബോർഡ് ഫെസിലിറ്റേഷൻ സെന്ററിൽ എത്തിയത്. യാത്രാപാസ് കമ്പ്യൂട്ടറിൽ ചെക്ക് ചെയ്തപ്പോൾ ബിനോയിയ്ക്ക് ആര്യംകാവ് ചെക് പോസ്റ്റ് വഴിയുള്ള പാസ് നൽകിയിരിക്കുന്നതെന്ന് കണ്ടെത്തി.ഇത് തിരുത്തിയാണ് മുത്തങ്ങ വഴിയാക്കിയത്. തുടർന്ന് ഇയാൾക്കെതിരെ പൊലിസും റവന്യൂ വകുപ്പും നടപടിയെടുത്തു.കേസ് എടുത്ത പോലീസ് ഇയാളെ ജാമ്യത്തിൽ വിട്ടു. ഈ മാസം 11നും ഇത്തരത്തിൽ പാസിൽ കൃത്രിമം നടത്തി എത്തിയ വിദ്യാർത്ഥിയെയും പിടികൂടിയിരുന്നു.