Listen live radio
മുംബൈ: മഹാരാഷ്ട്രയില് രണ്ട് പേര്ക്ക് കൂടി ഒമൈക്രോണ് സ്ഥിരീകരിച്ചു. ഇതോടെ സംസ്ഥാനത്തെ രോഗബാധിതരുടെ എണ്ണം 20 ആയെന്ന് ആരോഗ്യവകുപ്പ് അറിയിച്ചു. നിലവില് രാജ്യത്ത് ഒമൈക്രോണ് ബാധിച്ചവരുടെ എണ്ണം നാല്പ്പതായി.
ഇന്ന് രോഗം സ്ഥിരീകരിച്ചവരില് ഒരാള് ലത്തൂര് സ്വദേശിയു മറ്റൊരാള് പൂനെ സ്വദേശിയുമാണ്. അതേസമയം സംസ്ഥാനത്ത് കോവിഡ് രോഗികളുടെ എണ്ണത്തില് നേരിയ വര്ധനവ് ഉണ്ട്. ഇന്ന് 569 പേര്ക്കാണ് കോവിഡ് സ്ഥിരീകരിച്ചത്. 498 പേര് കോവിഡ് മുക്തരായി. നിലവില് 6, 507 രോഗികളാണ് സംസ്ഥാനത്ത് ഉള്ളത്.
അതേസമയം ഒമൈക്രോണ് ബാധിച്ചുള്ള ആദ്യ മരണം യുകെയില് സ്ഥിരീകരിച്ചു. പ്രധാനമന്ത്രി ബോറിസ് ജോണ്സണാണ് ഇക്കാര്യം അറിയിച്ചത്. ഒമൈക്രോണ് വകഭേദത്തിന്റെ വലിയ വ്യാപനം വരാനിരിക്കുകയാണെന്ന് അദ്ദേഹം പറഞ്ഞു. ഒമൈക്രോണ് കരുതുന്നപോലെ നിസ്സാരമല്ല. എല്ലാവരും എത്രയും വേഗം കോവിഡ് വാക്സിന് ബൂസ്റ്റര് ഡോസ് സ്വീകരിക്കുകയാണ് ചെയ്യേണ്ടതെന്നും അദ്ദേഹം നിര്ദേശിച്ചു. യുകെയില് പരമാവധി പേര്ക്ക് ബൂസ്റ്റര് ഡോസ് നല്കുക ലക്ഷ്യമിട്ടുള്ള കാമ്പയിന് ആരംഭിച്ചുകഴിഞ്ഞു. ഡിസംബര് അവസാനമാകുമ്പോഴേക്കും 18 വയസ്സിന് മുകളിലുള്ള എല്ലാവര്ക്കും ബൂസ്റ്റര് ഡോസ് വാക്സിന് നല്കുകയാണ് ലക്ഷ്യം.