Listen live radio
അമ്പലപ്പുഴ: തോട്ടിയുടെ കൊളുത്ത് തലയിൽ വീണ് യുവാവിന് ദാരുണാന്ത്യം. മാങ്ങ പറിക്കുന്നതിനിടെയാണ് സംഭവം. പുറക്കാട് പഞ്ചായത്ത് പുത്തൻ പറമ്പിൽ ഉദയഭാനു ലിസി ദമ്പതികളുടെ മകൻ ഹരികൃഷ്ണൻ ( 24 ) ആണ് മരിച്ചത്.
കഴിഞ്ഞ ദിവസം ഉച്ചകഴിഞ്ഞ് 2.30ന് വീട്ടിലെ പറമ്പിൽ നിന്ന് മാങ്ങ പറിക്കുന്നതിനിടയിലാണ് അപകടമുണ്ടായത്. തോട്ടിയിൽ ഉപയോഗിച്ചിരുന്ന വളഞ്ഞ കമ്പി കെട്ടഴിഞ്ഞ് ഹരികൃഷ്ണൻറെ തലയിൽ വീണു. തലയിൽ തറച്ച കമ്പി ഉടൻ ഊരിയെടുത്ത് ഹരികൃഷ്ണനെ ആശുപത്രിയിൽ പ്രവേശിപ്പിച്ചു.
വണ്ടാനം മെഡിക്കൽ കോളജ് ആശുപത്രിയിലാണ് ആദ്യം എത്തിച്ചത്. എന്നാൽ ആരോഗ്യനില വഷളായതോടെ എറണാകുളത്തെ സ്വകാര്യ ആശുപത്രിയിലേക്ക് മാറ്റി. എന്നാൽ ജീവൻ രക്ഷിക്കാനായില്ല.