Listen live radio
അന്തരിച്ച മകള് ഭവതാരിണിയുടെ ഫോട്ടോ പങ്കുവെച്ച് സംഗീത സംവിധായകന് ഇളയരാജ. ‘അന്പ് മകളേ’ എന്ന ക്യാപ്ഷനോടെയാണ് ഇളയരാജ ചിത്രം സോഷ്യല് മീഡിയയില് പോസ്റ്റ് ചെയ്തത്. കുട്ടിയായിരുന്ന ഭവതാരിണിക്കൊപ്പം ഇരിക്കുന്ന ചിത്രമാണ് അദ്ദേഹം പങ്കുവെച്ചത്.
ഇളയരാജയെ ആശ്വസിപ്പിക്കാന് വാക്കുകള് കിട്ടുന്നില്ലെന്ന് ചിലര് കുറിച്ചു. പ്രാര്ഥനകളുമായി ഒപ്പമുണ്ടാകുമെന്ന് മറ്റു ചിലരും കുറിച്ചു. പോസ്റ്റിന് താഴെ നിരവധി പേര് ഇളയരാജയുടെ ദുഃഖത്തില് പങ്കുചേരുന്നുവെന്ന് പറഞ്ഞുകൊണ്ടാണ് കമന്റ് ചെയ്തിരിക്കുന്നത്.
വ്യാഴാഴ്ചയാണ് ഗായികയും സംഗീത സംവിധായികയുമായ ഭവതാരിണി മരണപ്പെട്ടത്. അര്ബുദബാധയെ തുടര്ന്ന് ദീര്ഘനാളായി ചികിത്സയിലായിരുന്നു. ശ്രീലങ്കയില് വെച്ചായിരുന്നു അന്ത്യം.