Listen live radio
ലോകത്ത് കോവിഡ് രോഗികളുടെ എണ്ണം രണ്ടര കോടിയിലേക്ക്
വാഷിങ്ടണ് : ലോകത്ത് കൊവിഡ് രോഗികളുടെ എണ്ണം രണ്ടരക്കോടിയിലേക്ക് അടുക്കുന്നു . ഇതുവരെ 24,897,280 പേര്ക്കാണ് കൊവിഡ് സ്ഥിരീകരിച്ചത് . ലോകത്താകെ 840,633 പേരാണ് വൈറസ് ബാധമൂലം മരിച്ചത് . 17,285,907 പേര് രോഗമുക്തരായി .
അമേരിക്കയില് ആകെ രോഗികളുടെ എണ്ണം 61 ലക്ഷത്തിലേക്ക് കുതിക്കുകയാണ്. 60,96,235 പേര്ക്കാണ് അമേരിക്കയില് ഇതുവരെ രോഗം സ്ഥിരീകരിച്ചത് . 1,85,901 മരണങ്ങളാണ് രാജ്യത്ത് ഇതുവരെ റിപ്പോര്ട്ട് ചെയ്തത് .
ബ്രസീലില് ആകെ രോഗബാധിതരുടെ എണ്ണം 38 ലക്ഷം കടന്നു . 38,12,605 പേര്ക്കാണ് രാജ്യത്ത് ഇതുവരെ കൊറോണ സ്ഥിരീകരിച്ചത്. 1,19,594 പേര്ക്കാണ് കൊറോണയെ തുടര്ന്ന് ബ്രസീലില് ഇതുവരെ ജീവന് നഷ്ടമായത്. രോഗികളുടെ എണ്ണത്തില് മൂന്നാം സ്ഥാനത്തുള്ള ഇന്ത്യയില് 33,87,501 പേര്ക്കാണ് ഇതുവരെ രോഗം ബാധിച്ചത് . 61,529 പേരാണ് രോഗബാധയെ തുടര്ന്ന് മരണപ്പെട്ടത് .
കൊവിഡ് മരണങ്ങളുടെ എണ്ണത്തില് ഇന്ത്യ ലോക രാജ്യങ്ങളുടെ പട്ടികയില് മൂന്നാമതാണ് ഉള്ളത് . ഇന്ത്യയില് ഇതുവരെ 62635 പേരാണ് വൈറസ് ബാധമൂലം മരണമടഞ്ഞത്. മെക്സിക്കോയെ മറികടന്നാണ് ഇന്ത്യ മൂന്നാം സ്ഥാനത്തെത്തിയത് . രാജ്യത്ത് രോഗബാധിതരുടെ എണ്ണം മുപ്പത്തിയഞ്ച് ലക്ഷത്തോടടുക്കുകയാണ് .