‘ചിൽഡ്രൻ ബാങ്ക് ഓഫ് ഇന്ത്യ’യുടെ പേപ്പർ കറൻസി; കബളിപ്പിക്കപ്പെടുന്നത് ഓട്ടോ ഡ്രൈവർമാർ

കാസർകോട് ∙ ആളെ പറ്റിക്കാൻ ചിൽഡ്രൻ ബാങ്ക് ഓഫ് ഇന്ത്യ പേപ്പർ കറൻസി. അണങ്കൂരിലെ ഓട്ടോ ഡ്രൈവർക്കാണ് 2 ദിവസം മുൻപ് വാടകയിനത്തിൽ ഈ വ്യാജ പേപ്പർ കറൻസി കിട്ടിയത്. അത് സ്വീകരിച്ച് പിന്നീട് പരിശോധിച്ചപ്പോഴാണ് ഇത് യഥാർഥ കറൻസി അല്ലെന്ന് തിരിച്ചറിഞ്ഞത്. റിസർവ് ബാങ്ക് ഓഫ് ഇന്ത്യ കറൻസിക്ക് സമാനമായ ഡിസൈനും വലുപ്പവും തന്നെയായിരുന്നു ഈ വ്യാജ കറൻസിക്കും. ഇതിനാൽ ഓട്ടോ ഡ്രൈവർമാർ ഉൾപ്പെടെയുള്ളവർ കബളിപ്പിക്കപ്പെടുന്നത് വ്യാപകമാകുന്നു. തിരക്കിട്ട് ഓട്ടത്തിനിടയിൽ യഥാർഥ കറൻസിയാണോ എന്നു തിരിച്ചറിയാത്തവരാണ് ഇങ്ങനെ കുടുങ്ങുന്നത്.