കൊച്ചി ∙ ചെറായിയില് സ്വകാര്യ ബസില്നിന്ന് വിദ്യാർഥി തെറിച്ചു വീണ സംഭവത്തില് കേസെടുത്ത് പൊലീസ്. പറവൂര് ബോയ്സ് സ്കൂളിലെ ഏഴാം ക്ലാസ് വിദ്യാർഥിയാണ് ഇന്നലെ അപകടത്തില്പ്പെട്ടത്. ബസ് നിര്ത്തുന്നതിനു മുമ്പേ ജീവനക്കാര് പിന്വാതില് തുറന്നു നല്കിയതാണ് കുട്ടി റോഡിലേക്ക് തെറിച്ചുവീഴാന് ഇടയാക്കിയത്. അപകടം നടന്നിട്ടും കുട്ടിയെ സഹായിക്കാന് ബസ് ജീവനക്കാര് തയ്യാറായില്ലെന്നു കാട്ടി മാതാപിതാക്കൾ പൊലീസിൽ പരാതി നൽകിയിരുന്നു.
പരാതിയുടെ അടിസ്ഥാനത്തില് മുനമ്പം പൊലീസ് കൊച്ചിയില് സർവീസ് നടത്തുന്ന സ്വകാര്യ ബസിനെതിരെ കേസെടുക്കുകയും വാഹനം കസ്റ്റഡിയിലെടുക്കുകയും ചെയ്തിട്ടുണ്ട്. ബസിന്റെ ഡ്രൈവര്, കണ്ടക്ടര് എന്നിവര്ക്കെതിരെയാണ് പൊലീസ് കേസ് റജിസ്റ്റര് ചെയ്തിരിക്കുന്നത്. കൂടാതെ, വീഴ്ച വരുത്തിയ ബസ് ജീവനക്കാരുടെ ഡ്രൈവിങ് ലൈസന്സും കണ്ടക്ടര് ലൈസന്സും മോട്ടോര് വാഹന വകുപ്പ് സസ്പെന്ഡ് ചെയ്യുമെന്നും അധികൃതര് വ്യക്തമാക്കി. മുഖത്തും താടിക്കും പരുക്കേറ്റ കുട്ടിയെ ഉടന് സ്വകാര്യ ആശുപത്രിയിലേക്ക് മാറ്റിയിരുന്നു. നിലവില് കുട്ടിയുടെ ആരോഗ്യനില തൃപ്തികരമാണ്.
