തവിഞ്ഞാൽ പഞ്ചായത്ത് ആറാം വാർഡിലും സുരക്ഷയും കർശന നിയന്ത്രണങ്ങളും

കൊവിഡ് 19 ഹോട്ട്സ് സ്പോട്ട് ആയ തവിഞ്ഞാൽ പഞ്ചായത്ത് ആറാം വാർഡിലും സുരക്ഷയും കർശന നിയന്ത്രണങ്ങളും. വാർഡിലേക്കുള്ള 3 റോഡുകളിൽ രണ്ട് റോഡിന്റെ അതിർത്തികൾ അടച്ചു പോലീസ് പരിശോധനയും കർശനമാക്കി. തലപ്പുഴ ചിറക്കരയിൽ നിന്നുള്ളതും തവിഞ്ഞാൽ 44-ാം മൈൽ റോഡും 6-ാം വാർഡ് അതിർത്തിയിൽ വെച്ച് പോലീസ് അടച്ചു. പുതിയിടം റോഡിലൂടെ മാത്രമാണ് അത്യാവശ്യ സർവ്വീസുകൾ കടത്തിവിടുന്നത്. തലപ്പുഴ സർക്കിൾ ഇൻസ്പെക്ടർ ജിജേഷിന്റെ നേതൃത്വത്തിലുള്ള പോലീസ് സ്ഥിതിഗതികൾ നിയന്ത്രിക്കുന്നു.ആരോഗ്യ വകുപ്പിന്റെ നീരീക്ഷണവും ,വാർഡിൽ വേണ്ട നിർദ്ദേശങ്ങളും ഒപ്പം പോലീസിന്റെയും ആരോഗ്യ വകുപ്പിന്റെയും ഫീൽഡ് സർവ്വേയും നടന്നു വരുന്നു.