സ്വർണക്കടത്ത് കേസ്: മാനന്തവാടിയിൽ യുവമോർച്ച മുഖ്യമന്ത്രിയുടെ കോലം കത്തിച്ചു

മാനന്തവാടി: സ്വർണക്കടത്തു കേസിലെ പ്രതികളെ സംരക്ഷിക്കുന്ന മുഖ്യമന്ത്രി പിണറായി വിജയൻ രാജിവെക്കണമെന്ന്  ആവശ്യപ്പെട്ട് .യുവമോർച്ച മാനന്തവാടി മണ്ഡലം കമ്മിറ്റിയുടെ  നേതൃത്വത്തിലായിരുന്നു പ്രതിഷേധ പ്രകടനവും കോലം കത്തിക്കലും നടന്നത്. സമരം യുവമോർച്ച ജില്ലാ പ്രസിഡണ്ട് ദീപു പുത്തൻപുരയിൽ  ഉദ്ഘാടനം ചെയ്തു. 
യുവമോർച്ച മണ്ഡലം പ്രസിഡണ്ട് സുരേഷ്  പെരുംചോലയിൽ ജില്ലാ സെക്രട്ടറി ദിലീപ് കണിയാരം, മണ്ഡലം ജനറൽ സെക്രട്ടറി വൈശാഖ് തലപ്പുഴ, രാമചന്ദ്രൻ, ശരത് കുമാർ ,സ്വരാജ് ,അഖിൽ കണിയാരം ,അജിത്ത്, ജിഷ്ണു, തുടങ്ങിയവർ നേതൃത്വം നൽകി.തലപ്പുഴയിൽ നടന്ന സമരം അഖിൽ പ്രേം ഉദ്ഘാടനം ചെയ്തു. ഇ.മാധവൻ, കെ.ജയേന്ദ്രൻ, കെ.ചന്ദ്രൻ ,കെ അനിൽകുമാർ തുടങ്ങിയവർ സംസാരിച്ചു.