Listen live radio
മാധ്യമ സ്ഥാപനങ്ങളില് ഫേസ്ബുക്ക് ഫണ്ടിംഗ് നല്കി കോണ്ഗ്രസ് നേതാവ് മനീഷ് തിവാരി
ഡല്ഹി: രാജ്യത്തെ മാധ്യമ സ്ഥാപനങ്ങളില് പലര്ക്കും ഫേസ്ബുക്ക് ഫണ്ടിംഗ് നല്കിയിട്ടുണ്ട്. ഏതൊക്കെ സ്ഥാപനങ്ങള്ക്ക് പണം നല്കിയെന്ന് വെളിപ്പെടുത്താന് ഫേസ്ബുക്ക് തയാറാകണമെന്നും കോണ്ഗ്രസ് നേതാവും എംപിയുമായ മനീഷ് തിവാരി.
ബിജെപി നേതാക്കളുടെ വിദ്വേഷ പ്രചാരണങ്ങള് വിലക്കിയില്ലെന്നും തെരഞ്ഞെടുപ്പു പ്രചാരണത്തിന് വേദിയാക്കി എന്നും ഫേസ്ബുക്കിനെതിരേ ആരോപണം നിലനില്ക്കെയാണ് കോണ്ഗ്രസ് രംഗത്തെത്തിയിരിക്കുന്നത്. ഇന്ത്യന് വിപണിയില് കണ്ണുവച്ച് ഫേസ്ബുക്ക് ബിജെപി നേതാക്കളുടെ വിദ്വേഷ, വര്ഗീയ പ്രചാരണങ്ങള്ക്ക് തടയിട്ടില്ലെന്നാണ് വാള്സ്ട്രീറ്റ് ജേര്ണല് നേരത്തേ റിപ്പോര്ട്ട് ചെയ്തത്.
വിദ്വേഷ പ്രചാരണം നടത്തുന്ന ഫേസ്ബുക്ക് അക്കൗണ്ടുകള്ക്ക് ആജീവനാന്ത വിലക്ക് ഏര്പ്പെടുത്താന് തീരുമാനിച്ചിരുന്നു എങ്കിലും ബിജെപി, സംഘപരിവാര് പ്രവര്ത്തകരെ ഇതില്നിന്ന് ഒഴിവാക്കി എന്നാണു റിപ്പോര്ട്ട്.