- Advertisement -
മാനന്തവാടി: ട്രക്ക് ഡ്രൈവർക്കും കുടുംബങ്ങൾക്കും കോവിഡ്- 19 സ്ഥിരീകരിച്ച സാഹചര്യത്തിൽ പ്രദേശത്തെ അനാവശ്യ ഭീതി അകറ്റുന്നതിനും ആവശ്യമായ സുരക്ഷാ മുൻകരുതലുമായി മാനന്തവാടി നഗരസഭയുടെ നേത്യത്വത്തിൽ പൊരുതാം കരുതലോടെ എന്ന പേരിൽ ഫോൺ ഇൻ കൗൺസിലിന് തുടക്കം കുറിച്ചു.ആദ്യ ദിനത്തിൽ പ്രദേശത്തെ 200 ഓളം കുടുംബങ്ങളിലാണ് വിളിയെത്തിയത്. സ്വീകരിക്കേണ്ട മുൻകരുതലുകളെക്കുറിച്ചും, ലഭ്യമാകുന്ന സഹായങ്ങളെക്കുറിച്ചും കൗൺസിലൻമാർ വിശദീകരിച്ചു.വനിത-ശിശു വികസന വകുപ്പിൻ്റെ പരിശീലനം സിദ്ധിച്ച വളണ്ടിയർമാരാണ് കോൾ സെൻററിന് നേതൃത്വം നൽകുന്നത്. മികച്ച പ്രതികരണമാണ് പ്രദേശവാസികളിൽ നിന്ന് ലഭിക്കുന്നതെന്ന് കൗൺസിലർമാർ പറഞ്ഞു. വരും ദിവസങ്ങളിലും കൂടുതൽ കുടുംബങ്ങളിലേക്ക് സ്നേഹ സ്വാന്തനവുമായി നഗരസഭയുടെ കൗൺസിലർമാരെത്തും