വയനാട്ടില്‍ ഇന്ന് ഒരാള്‍ക്ക് കൂടി കോവിഡ് ;സംസ്ഥാനത്ത് ഇന്ന് കോവിഡ്-19 സ്ഥിരീകരിച്ചത് 42 പേര്‍ക്ക്

കോവിഡ് സ്ഥിരീകരിച്ചതിനെ തുടര്‍ന്ന് കല്‍പ്പറ്റ സ്വദേശിനിയായ 53 വയസ്സുകാരിയെ ചികില്‍സക്കായി കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മെയ് ഇരുപതാം തീയതി ദുബായില്‍ നിന്നും കൊച്ചി അന്താരാഷ്ട്ര വിമാനത്താവളം വഴി കേരളത്തില്‍ എത്തിയ അവര്‍ ചികിത്സയ്ക്കായി കോഴിക്കോട്ടെ ഒരു സ്വകാര്യ ആശുപത്രിയില്‍ എത്തിയിരുന്നു. തുടര്‍ന്ന് നടത്തിയ കോവിഡ് പരിശോധനയില്‍ പോസിറ്റീവ് ആയതിനെ തുടര്‍ന്നാണ് അവരെ ചികിത്സക്കായി കോഴിക്കോട് മെഡിക്കല്‍ കോളേജിലേക്ക് മാറ്റിയത്. രോഗം സ്ഥിരീകരിച്ച് ചികിത്സയില്‍ കഴിയുന്ന 11 പേര്‍ ഉള്‍പ്പെടെ 17 പേര്‍ മാനന്തവാടി ജില്ലാ ആശുപത്രിയിലും ചികിത്സയിലുണ്ട്.
വെളളിയാഴ്ച്ച 404 പേരാണ് പുതുതായി നിരീക്ഷണത്തിലായത്. ജില്ലയില്‍ ആകെ 3450 പേര്‍ നിലവില്‍ നിരീക്ഷണത്തില്‍ കഴിയുന്നുണ്ട്. ഇതില്‍ 1397 പേര്‍ കോവിഡ് കെയര്‍ സെന്ററുകളിലാണ് നിരീക്ഷണത്തില്‍ കഴിയുന്നത്. ജില്ലയില്‍ നിന്നും ഇതുവരെ പരിശോധനയ്ക്ക് അയച്ച 1499 സാമ്പിളുകളില്‍ 1282 എണ്ണത്തിന്റെ ഫലം ലഭിച്ചു. ഇതില്‍ 1259 എണ്ണം നെഗറ്റീവാണ്. വെളളിയാഴ്ച്ച അയച്ച 37 സാമ്പിളുകളുടെ പരിശോധനാ ഫലം ഉള്‍പ്പെടെ 210 സാമ്പിളുകളുടെ ഫലം ലഭിക്കുവാന്‍ ബാക്കിയുണ്ട്. വെളളിയാഴ്ച്ച അയച്ച 37 സാമ്പിളുകളില്‍ പ്രാഥമിക സമ്പര്‍ക്ക പട്ടികയില്‍ ഉള്‍പ്പെട്ട 4 പേരുടെ സാമ്പിളുകള്‍ ഉള്‍പ്പെടുന്നു.
ഇതുകൂടാതെ സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയില്‍ നിന്നും ആകെ 1571 സാമ്പിളുകള്‍ പരിശോധനയ്ക്കായി അയച്ചിട്ടുണ്ട്. ഇതില്‍ 1344 എണ്ണത്തിന്റെ ഫലം ലഭിച്ചതില്‍ 1344 ഉം നെഗറ്റീവാണ്. ജില്ലാ മാനസികാരോഗ്യ പരിപാടിയുടെ നേതൃത്വത്തില്‍ നിരീക്ഷണത്തില്‍ കഴിയുന്ന 567 പേര്‍ക്ക് കൗണ്‍സലിംഗും നല്‍കിയിട്ടുണ്ട്.
ഇന്ന് ഒരു പ്രത്യേക ദിവസമാണ്. ഇതുവരെ ഉള്ളതില്‍ ഏറ്റവും കൂടുതല്‍ പേര്‍ക്ക് രോഗം സ്ഥിരീകരിച്ചദിവസമാണ് ഇന്നെന്ന് മുഖ്യമന്ത്രി പറഞ്ഞു. ഇന്നലെ ഒരു മരണം ഉണ്ടായി. മുംബൈയില്‍ നിന്നെത്തിയ ചാവക്കാട് സ്വദേശിനായാണ് മരിച്ചത്. അവരുടെ നിര്യാണത്തില്‍ അനുശോചനം അറിയിക്കുന്നതായും മുഖ്യമന്ത്രി പറഞ്ഞു.
കണ്ണൂര്‍ 12, കാസര്‍കോട് 7, കോഴിക്കോട്, പാലക്കാട് 5, തൃശൂര്‍, മലപ്പുറം 4, കോട്ടയം 2, കൊല്ലം, പത്തനംതിട്ട, വയനാട് ഒന്ന് വീതം പേര്‍ക്കുമാണ് രോഗം സ്ഥിരീകരിച്ചത്. ഇതില്‍ 41 പേര്‍ പുറത്തുനിന്നും വന്നവരാണ്. കോഴിക്കോട് ആരോഗ്യപ്രവര്‍ത്തകയ്ക്കും കണ്ണൂരില്‍ ഒരാള്‍ക്കും സമ്പര്‍ക്കത്തിലൂടെയുമാണ് കോവിഡ് സ്ഥിരീകരിച്ചത്.
മഹാരാഷ്ട്ര 21, തമിഴ്‌നാട്, അന്ധ്രപ്രദേശ് 1, വിദേശത്തുനിന്ന് എത്തിയത് 17 പേരാണ്. സംസ്ഥാനത്ത ആകെയുള്ള രോഗികളുടെ എണ്ണം 216 ആണ്. മഹാരാഷ്ട്ര 21, തമിഴ്‌നാട്, അന്ധ്രപ്രദേശ് 1, വിദേശത്തുനിന്ന് എത്തിയത് 17 പേരാണ്. സംസ്ഥാനത്ത ആകെയുള്ള രോഗികളുടെ എണ്ണം 216 ആണ്്.
നിരീക്ഷണത്തില്‍ 84,258 പേരാണുളളത്. അതില്‍ വീടുകളില്‍ 83,649 പേരും ആശുപത്രികളില്‍ 609 പേരുമാണുള്ളത്. ഇന്ന് മാത്രം 162 പേരെയാണ് ആശുപത്രിയില്‍ പ്രവേശിപ്പിച്ചത്. ഇതുവരെ 51310 സാമ്പിളുകള്‍ പരിശോധനയ്ക്ക അയച്ചതില്‍ 49,535 രോഗബാധയില്ലമുന്‍ഗണന വിഭാഗത്തില്‍ 7072 സാമ്പിളുകളാണ് അയച്ചത്. ഇതില്‍ 6630 നെഗറ്റീവാണെന്നും മുഖ്യമന്ത്രി പറഞ്ഞു.