പെരുന്നാൾ ദിനത്തിൽ ലോക്ക് ഡൗൺ ലംഘനം യുവാവിനെതിരെ പോലീസ് കേസെടുത്തു

തലപ്പുഴയിൽ വാടക ക്വാട്ടേഴ്സിൽ താമസിക്കും മംഗലശേരി അജ്മൽ (23)നെതിരെയാണ് തലപ്പുഴ പോലീസ് കേസെടുത്തത്.മാനന്തവാടിയിൽ നിന്നും വാഴകുല ബംഗലൂരിൽ എത്തിക്കുന്ന ലോറിയിലെ ഡ്രൈവർ സഹായിയാണ് അജ്മൽ.സ്ഥിരമായി ലോറിയിൽ പോകുന്നതിനാൽ തിരിച്ചെത്തിയാൽ ആരോഗ്യ വകുപ്പിനെ വിവരമറിയിക്കണമെന്ന് ആരോഗ്യ വകുപ്പ് അജ്മലിനോട് നിർദ്ദേശിച്ചിരുന്നു.എന്നാൽ ഈ നിർദ്ദേശം ലംഘിച്ച് പെരുന്നാൾ ദിനത്തിൽ കാറിൽ സുഹൃത്തുക്കളുമായി സഞ്ചരിച്ചതിനാണ് പോലീസ് യുവാവിനെതിരെ പകർച്ചവ്യാധി തടയൽ നിയമപ്രകാരം തലപ്പുഴ പോലീസ് കേസ് എടുത്തത്.ആരോഗ്യ വകുപ്പിൻ്റെ നിർദ്ദേശപ്രകാരമാണ് അജ്മലിനെതിരെ കേസ് എടുത്തത്