Listen live radio
നീറ്റായി നടത്താന്… 660 കേന്ദ്രങ്ങള്, 10 ലക്ഷത്തോളം മാസ്ക്, 6600 ലിറ്റര് ഹാന്ഡ് സാനിറ്റൈസര്; നീറ്റ്, ജെഇഇ പരീക്ഷകളുടെ ക്രമീകരണം പൂര്ത്തിയായി
ഡല്ഹി: പ്രതിഷേധങ്ങള്ക്ക് ഇടയിലും മെഡിക്കല് പ്രവേശന പരീക്ഷയായ നീറ്റ്, എന്ജിനീയറിംഗ് പ്രവേശന പരീക്ഷയായ ജെഇഇ എന്നിവയുമായി മുന്നോട്ടുപോകാന് കേന്ദ്രസര്ക്കാര് തീരുമാനം. ഇരു പരീക്ഷകള്ക്കുമുളള ക്രമീകരണങ്ങള് പൂര്ത്തിയായി.
സെപ്റ്റംബര് ഒന്ന് മുതല് ആറ് വരെയാണ് നീറ്റ്, ജെഇഇ പരീക്ഷകള്. രണ്ട് പരീക്ഷകള്ക്കുമായി 660 കേന്ദ്രങ്ങളാണ് ഉള്ളത്. 10 ലക്ഷത്തോളം മാസ്ക്, 20 ലക്ഷത്തോളം ഗ്ലൗസ്, 6600 ലിറ്റര് ഹാന്ഡ് സാനിറ്റൈസര്, 1300 ല് അധികം തെര്മല് സ്കാനറുകള് തുടങ്ങിയ സജ്ജമാക്കാനും തീരുമാനിച്ചിട്ടുണ്ട്. 3300 ശുചീകരണ തൊഴിലാളികളെയും സജ്ജീകരിച്ചിട്ടുണ്ട്. പരീക്ഷ നടത്തിപ്പിനായി മാത്രം 13 കോടി രൂപയാണ് വകമാറ്റുന്നത്.
പ്രതിപക്ഷ കക്ഷികള് ഒന്നടങ്കം പരീക്ഷ മാറ്റിവയ്ക്കണമെന്ന ആവശ്യവുമായി രംഗത്തെത്തിയിരുന്നു. എന്നാല് പരീക്ഷ നടത്താനുള്ള തീരുമാനവുമായി കേന്ദ്രസര്ക്കാര് മുന്നോട്ടുപോകുകയായിരുന്നു. ദീപാവലിയ്ക്ക് ശേഷം പരീക്ഷ നടത്തിയാല് ഒരു സെമസ്റ്റര് നഷ്ടമാകുമെന്നായിരുന്നു സര്ക്കാര് വാദം.