ഈ പ്രായത്തിലും ഡ്യൂപ്പില്ലാതെ ഫൈറ്റ് ചെയ്യുന്ന ലാലേട്ടൻ’; അനുഭവങ്ങൾ പങ്കുവെച്ച് ‘ചിന്നപ്പയ്യൻ

രാജസ്ഥാനിലെ ചിത്രീകരണ വേളയിൽ ഭാഷയുടെ തടസ്സങ്ങൾ നേരിട്ടിരുന്നു. അതുകൊണ്ട് തന്നെ മോഹൻലാൽ, ലിജോ ജോസ് പെല്ലിശ്ശേരി, ഹരീഷ് പേരടി എന്നിവർക്കൊപ്പമാണ് കൂടുതൽ സമയം ചെലവഴിച്ചത്. മോഹൻലാലിനൊപ്പംതന്നെ ഉണ്ടായിരുന്നു എപ്പോഴും. അദ്ദേഹത്തിന്റെ അർപ്പണ മനോഭാവവും, ടൈമിങ്ങും കണ്ട് പഠിക്കേണ്ടതാണ്.

സംഘട്ടന രംഗങ്ങൾ ചിത്രീകരിക്കുമ്പോഴാണ് കൂടുതൽ അതിശയപ്പെട്ടുപോയത്. മാങ്ങോട്ട് മല്ലനുമായുള്ള ഫൈറ്റ് സീക്വൻസ് ചിത്രീകരിക്കാൻ ഒരു മാസം സമയമെടുത്തു. അത് മുഴുവനും ഞാൻ കൂടിയുള്ള രംഗങ്ങളാണ്. മിക്കതും ഡ്യൂപ്പില്ലാതെയാണ് അദ്ദേഹം അവതരിപ്പിക്കുന്നത്. ഈ പ്രായത്തിലും ഇങ്ങനെ നിൽക്കുകയാണല്ലോ എന്ന് അത്ഭുതപ്പെട്ടുപോയി.’