വയനാട്ടുകാരന്‍… ആഴക്കടലില്‍ വിയറ്റ്നാമിനോട് മനുഷ്യത്വം കാണിച്ചത് വേറാരുമല്ല, ക്യാപ്റ്റൻ സുനിൽ മസൂദ്

കല്‍പ്പറ്റ: സിഗപ്പൂരിൽ നിന്നും ചൈനയിലേക്കുള്ള യാത്ര,വിയറ്റ്നാമിൽ നിന്നുംഏകദേശം 200 നോട്ടിക്കൽമെയിൽ ദൂരെയുള്ള സൗത്ത് ചൈനയുടെ ഉൾക്കടലിൽകൂടിയുള്ള യാത്ര സാമാന്യം നല്ല വേഗത്തിലായിരുന്നു. പന്ത്രണ്ടു നിലകളുടെ ഉയരമുള്ള നോർവീജിയൻഷിപ്പിംഗ് കമ്പനിയുടെ ഉടമസ്ഥതയിലുള്ള MV SPAR MIRA എന്ന ചരക്കുകപ്പൽ , ശാന്തമായ കടൽ ആസ്വദിക്കുവാൻ ഷിപ്പിന്റെ ഡെക്കിൽ കയറി നിന്ന ഏതാനും ഉദ്യോഗസ്ഥർ എന്തോ ഒരു സാധനം ജലനിരപ്പിൽ കണ്ടതായി അറിയിച്ചു. എന്നാൽ അതിവേഗത്തിൽ സഞ്ചരിക്കുന്ന കണ്ടെയ്നർ ഷിപ്പിനെ സംബന്ധിച്ചു ആ ഭാഗത്തേക്ക് തിരിയുക എന്നത് അങ്ങേയറ്റം ശ്രമകരമായ ദൗത്യം തന്നെ.
എന്തായാലും ആ ദൗത്യം സ്വയം ഏറ്റെടുത്തു കൊണ്ട് ഏകദേശം മണിക്കൂറുകൾ നീണ്ട ശ്രമത്തിനൊടുവിൽ ക്യാപ്റ്റൻ സുനിലിന്റെ നേതൃത്വത്തിൽ ഷിപ്പിനെ സ്ലോ ഡൌൺചെയ്തു അതിനടുത്തേക്ക് എത്തിക്കുകയായിരുന്നു.ജലോപരിതലത്തിൽ പൊങ്ങിക്കിടക്കുന്നതു ഒരു മരത്തടി മാത്രമല്ല അതിന്റെ മുകളിൽ ഒരു മനുഷ്യൻ ഉള്ളതായും സ്ഥിരീകരിച്ചു .പിന്നീടങ്ങോട്ട് നടന്ന ശ്രമത്തിനൊടുവിൽ മൃതപ്രായനായ ആ മനുഷ്യനെ കപ്പലിലേക്ക് കയറ്റി പ്രാഥമിക ശുശ്രൂഷകൾ നൽകി .

ആരോഗ്യം വീണ്ടെടുത്ത അയാൾ സ്വന്തം ഭാഷയിൽ എന്തൊക്കെയോ പറയുന്നുണ്ടായിരുന്നു .അതിനിടയിൽ തന്റെ ജീവൻ രക്ഷപ്പെടുത്തിയത്തിനു കരഞ്ഞുകൊണ്ട് ആംഗ്യഭാഷയിൽ നന്ദിയും അറിയിക്കുന്നുണ്ടായിരുന്നു . തങ്ങൾക്കറിയാവുന്ന രീതിയിൽ നടത്തിയ അന്വേഷണത്തിൽ അയാൾ മത്സ്യ ബന്ധനത്തിനായി വന്ന് അപകടത്തിൽ പ്പെട്ട വിയറ്റ്നാം പൗരനാണെന്ന് മനസിലാക്കുകയും തുടർന്ന് വിയറ്റ്നാം കോസ്ററ് ഗാർഡിനെ വിവരം അറിയിക്കുകയും അയാളെ അവർക്ക് കൈമാറുകയും ചെയ്തു .

അങ്ങേയറ്റം മനുഷ്യത്വം നിറഞ്ഞ സേവനമാണിതെന്നും ഞങ്ങളുടെ രാജ്യത്തിന്റെ നന്ദി ഇക്കാര്യത്തിൽ അറിയിക്കുന്നതായും വിയറ്റ്നാം കോസ്ററ്ഗാർഡ് അവരുടെ സന്ദേശത്തിൽ അറിയിച്ചു .തന്റെ പണ്ട്രണ്ടു വർഷത്തെ ഷിപ്പിംഗ്കരിയറിൽ ലഭിച്ച ഏറ്റവും വലിയ ബഹുമതിയാണ് ഇതെന്നും, ഈ സൽകർമ്മം ചെയ്യുവാൻ സർവശക്തൻ തനിക്കു നൽകിയ നിയോഗമായി ഇതിനെ കണക്കാക്കുന്നു എന്നും ക്യാപ്റ്റൻ സുനിൽ തന്റെ വീട്ടിലേക്കു നൽകിയ സന്ദേശത്തിൽ അറിയിച്ചു.

വയനാട്ടിലെ കൽപ്പറ്റയിൽ താമസിക്കുന്ന റിട്ട;ജില്ലാ സഹകരണ ബാങ്ക് ജനറൽ മാനേജർ ശ്രീ അലി പള്ളിയാലിന്റെ മകനും,വയനാട്ഡിസിസി ജന;സെക്രെട്ടറി ശ്രീ മോയിൻ കടവന്റെ സഹോദരീപുത്രനുമാണ് 33 കാരനായ ക്യാപ്റ്റൻ സുനിൽ മസൂദ്.ഭാര്യഷദാ,മൂന്ന് വയസ്സുള്ള ഒരു കുട്ടിയുമുണ്ട് . മൂത്ത സഹോദരൻ DR .ഷാനവാസ് ഡിഎം വിംസ് മെഡിക്കൽ കോളേജിൽ ഡെന്റൽ വിഭാഗംഅസ്സോസിയേറ്റ് പ്രൊഫെസ്സർ ആണ്.