Listen live radio
നിര്‍ദ്ദേശങ്ങള്‍ പാലിക്കാത്ത ബാര്‍ബര്‍ഷോപ്പുകള്‍ക്കെതിരെ കര്‍ശന നടപടിയെടുക്കുമെന്ന് മാനന്തവാടി നഗരസഭ ചെയര്‍മാന്‍
- Advertisement -
മാനന്തവാടി: കൊവിഡ് പശ്ചാതലം നിര്‍ദ്ദേശങ്ങള്‍ പാലിക്കാത്ത ബാര്‍ബര്‍ഷോപ്പുകള്‍ക്കെതിരെ കര്‍ശന നടപടിയെന്ന് മാനന്തവാടി നഗരസഭ ചെയര്‍മാന്‍ വി. ആര്‍ പ്രവീജ്. അത്തരം കാര്യങ്ങള്‍ ശ്രദ്ധയില്‍പ്പെട്ടിട്ടുണ്ടെന്നും നടപടി സ്വീകരിക്കാന്‍ ഉേദ്യാഗസ്ഥര്‍ക്ക് നിര്‍ദ്ദേശം നല്‍കിയതായും ചെയര്‍മാന്‍.
കോവിഡ് രോഗവ്യാപനത്തിന് ഏറ്റവും കൂടുതല്‍ ഇടവരുത്തുന്ന സ്ഥാപനങ്ങളാണ് ബാര്‍ബര്‍ഷോപ്പുകള്‍. അത് കൊണ്ട് തന്നെ കര്‍ശന ഉപാധികളോടെയും സര്‍ക്കാര്‍ നിര്‍ദ്ദേശങ്ങള്‍ പാലിച്ചുകൊണ്ടും മാത്രമെ സ്ഥാപനം തുറന്ന് പ്രവര്‍ത്തിക്കാന്‍ പാടുള്ളു. എന്നാല്‍ പല ഷോപ്പുകളും നിബന്ധനകളും നിര്‍ദ്ദേശങ്ങളും പാലിക്കാതെ പ്രവര്‍ത്തിക്കുന്നതായി ശ്രദ്ധയില്‍പ്പെട്ടിട്ടുണ്ട്.
അത്തരം സ്ഥാപനങ്ങള്‍ക്കെതിരെ കര്‍ശന നടപടികള്‍ സ്വീകരിക്കാന്‍ തന്നെയാണ് നഗരസഭയുടെ തീരുമാനവും. നിര്‍ദ്ദേശങ്ങള്‍ പാലിക്കാതെ പ്രവര്‍ത്തിക്കുന്ന സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കാന്‍ നഗരസഭ ചെയര്‍മാന്‍ ഉേദ്യാഗസ്ഥര്‍ക്ക് നിര്‍ദ്ദേശവും നല്‍കി. നിര്‍ദേശങ്ങള്‍ പാലിക്കാതെ പ്രവര്‍ത്തിക്കുന്ന സ്ഥാപനങ്ങള്‍ക്കെതിരെ ബാര്‍ബേഴ്‌സ് അസോസിയേഷന്‍ തന്നെ രംഗത്ത് എത്തിയിരുന്നു.
