കോഴിക്കോട്: കുന്ദമംഗലം മടവൂരിൽ ആളൊഴിഞ്ഞ പറമ്പിൽ അസ്ഥികൂടം കണ്ടെത്തി. കാടുവെട്ടുന്നതിനെത്തിയ തൊഴിലാളികളാണ് ജോലിക്കിടയിൽ അസ്ഥികൂടം കണ്ടത്. നാലുമാസം മുമ്പ് നരിക്കുനിയിൽ നിന്നും കാണാതായ വ്യക്തിയുടെ അസ്ഥികൂടമാണോ ഇതെന്നാണ് സംശയം.
തിങ്കളാഴ്ച ഉച്ചയോടെയാണ് തൊഴിലാളികൾ കാടുവെട്ടിതെളിക്കുന്നതിനിടയിൽ അസ്ഥികൂടം കണ്ടത്. സമീപത്ത് നിന്നും ഒരു ബാഗും കണ്ടെടുത്തു. തൊഴിലാളികൾ വിവരമറിയിച്ചതിനെ തുടർന്ന് കുന്ദമംഗലം പോലീസ് സ്ഥലത്തെത്തുകയും പരിശോധനകൾ ആരംഭിച്ചു. ഫോറൻസിക് വിഭാഗവും സ്ഥലത്തുണ്ട്.
