Listen live radio
മക്കൾക്ക് ഐസ് ക്രീമിൽ വിഷം നൽകി കൂട്ട ആത്മഹത്യക്ക് ശ്രമം: ചകിത്സയിലായിരുന്ന യുവതി മരിച്ചു
കണ്ണൂർ: കണ്ണൂരില് കടബാധ്യതയെ തുടര്ന്ന് മക്കള്ക്ക് വിഷം നല്കി കൂട്ട ആത്മഹത്യക്ക് ശ്രമിച്ച യുവതി മരിച്ചു. പയ്യാവൂര് പൊന്നുംപറമ്ബില് സ്വപ്നയാണ് മരിച്ചത്.
ഞായറാഴ്ചയാണ് സ്വപ്നയും കുടുംബവും ആത്മഹത്യക്ക് ശ്രമിച്ചത്. ചികിത്സയിലായിരുന്ന ഇവരുടെ രണ്ടര വയസുള്ള മകളും കഴിഞ്ഞ ദിവസം മരിച്ചിരുന്നു.
രണ്ടര വയസ്സും 13 വയസ്സുമുള്ള മക്കള്ക്ക് ഐസ്ക്രീമില് വിഷം കലര്ത്തി നല്കിയ ശേഷമാണ് സ്വപ്ന ആത്മഹത്യക്ക് ശ്രമിച്ചത്. അവശനിലയിലായ മൂന്ന് പേരെയും അയല്വാസികളാണ് ആശുപത്രിയിലെത്തിച്ചത്. ആദ്യം കണ്ണൂരിലെ ആശുപത്രിയില് പ്രവേശിപ്പിച്ചു. ആരോഗ്യനില മോശമായതോടെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.
രണ്ടര വയസ്സുള്ള കുട്ടി ആദ്യം മരിച്ചു. ഇന്ന് രാവിലെയാണ് സ്വപ്ന മരിച്ചത്. 13 വയസ്സുള്ള കുട്ടി അതീവ ഗുരുതരാവസ്ഥയില് ചികിത്സയിലാണ്.
സ്വപ്നയുടെ ഭര്ത്താവിന് വിദേശത്താണ് ജോലി. ഇവര്ക്ക് ഒരു റെഡിമെയ്ഡ് വസ്ത്രവ്യാപാര ശാലയുണ്ടായിരുന്നു. 80 ലക്ഷം രൂപയുടെ കടം ഈ സ്ഥാപനവുമായി ബന്ധപ്പെട്ടുണ്ടായി. ഇതാണ് ആത്മഹത്യാശ്രമത്തിന് കാരണമെന്ന് ആശുപത്രിയില് വെച്ച് സ്വപ്ന പൊലീസിന് മൊഴി നല്കിയിരുന്നു.