23 വർഷം മുൻപത്തെ ‘കുടി’ വരെ പൊക്കുന്നവനാണീ ബ്രെത്തലൈസർ; പണ്ടേ മദ്യപാനം നിർത്തിയയാളെ ‘കുടിയനാക്കി’

കറുകച്ചാൽ ∙ 23 വർഷം മുൻപു മദ്യപാനം നിർത്തിയയാളെ ബ്രെത്തലൈസർ പരിശോധന നടത്തിയപ്പോൾ, മദ്യപിച്ചിട്ടുണ്ടെന്നു കണ്ടെത്തിയതായി പരാതി. കഴിഞ്ഞ ദിവസം രാത്രി വീട്ടിലേക്കു വാഹനത്തിൽ പോകുന്ന വഴിയിൽ പൊലീസ് പിടിയിലായ ആളെയാണ് ബ്രെത്തലൈസർ ചതിച്ചത്. മദ്യപിച്ചെന്നു പൊലീസ് ഉറപ്പിച്ചപ്പോൾ, 23 വർഷം മുൻപ് നിർത്തിയതാണ് മദ്യപാനമെന്ന് ഇദ്ദേഹം പൊലീസിനെ അറിയിച്ചു. തുടർന്നു നടത്തിയ വിശദമായ പരിശോധനയ്ക്കൊടുവിൽ ഇദ്ദേഹം മദ്യപിച്ചിട്ടില്ലെന്നു മനസ്സിലാക്കിയതോടെ പൊലീസ് ഇദ്ദേഹത്തെ വിട്ടയച്ചു.